Doli pro djegies së mandateve/ Kush është deputeti i ri i opozitës parlamentare

17 Prill 2019, 11:40, Aktualitet CNA

Një tjetër emër nga listat shumëemërore të Partisë Demokratike ka dorëzuar formularin e dekriminalizimit në Komisionin Qendror të Zgjedhjeve.

Mësohet se Dr.Erion Piciri, i cili ka qenë kandidat për deputet në listën e selisë blu në kryeqytet, ka pranuar të jetë një ndër deputetët e rinj të opozitës parlamentare.

Pas vlerësimit nga Komisioni Qendror i Zgjedhjeve, Piciri do të betohet në Kuvend si deputet e ligjvënës.

Kujtojmë këtu se në muajin mars, Dr. Erion Piciri doli pro djegies së mandateve nga ana e opozitës.

Në një postim ne rrjetet sociale, Piciri përgëzonte deputetët që dogjën mandatet, ndërsa theksonte se Parlamentit duhet t’i kthehet serioziteti dhe profesionalizmi i njerezve me vokacion politik.

?PRO DJEGIES SE MANDATEVE

Përgëzime të gjithë atyre që dogjen mandatet e deputetëve. Njeriu duhet të njohi kufizimet e veta. Veshtire te gjeje aty ndonje personazh qe sjell ere ndryshimi. Krahasojini me deputete a kongresmene te vendeve te tjera dhe do kuptoni nivelin e perfaqesimit. Mediokritete pa fund te imponuara si modele te elites politike kombetare. Deputeti kudo eshte personalitet, mendimtar dhe orator, ketu ka perfunduar ne dordolec i varur ne kremastarin e kryetareve. Mire eshte te ikin edhe shume te tjere nga ana e pushtetit. Parlamentit duhet t’i kthehet serioziteti dhe profesionalizmi i njerezve me vokacion politik.?-shkruante Piciri në postimin e tij.

Por, kush është Dr. Erion Piciri.

Erion Piciri (PhD) ka lindur me 3 mars 1973, ne Tirane. Ka jetuar, punuar dhe studiuar prej 18 vitesh ne Athine, Bukuresht dhe New York. Ai eshte lektor i lidershipit dhe komunikimit politik, drejtor-themelues i Institutit te Lidershipit, ne Tirane. Pergjate viteve eshte marre me mesimdhenie, drejtim dhe konsulence.

Background-i i tij akademik dhe profesional eshte pasuruar me nje eksperience tre vjecare ne SHBA, ku u diplomua ne Universitetin Fordham te New York-ut, Sh.B.A., ne Shkenca Politike ? (Master of Arts) Zgjedhje dhe Manaxhim Fushatash si dhe ndoqi disa graduate courses ne Universitetin e Harvardit. Ne Mars 2011 (Washington D.C.), vleresohet me nje cmim nga Shoqata Amerikane e Keshilltareve Politike.

Me heret, pergjate viteve 2008 deri ne 2010, ai ka mbajtur detyren e Drejtuesit te Departamentit te Shkencave Politike & Administrative, si dhe zv. Rektorit per Politika dhe Zhvillim Institucional ne Albanian University. Ne vitet 2015-16 ai drejtoi Qendren per Lidership dhe Qeverisje Demokratike ne po kete universitet.

Ne vitin 2007 ka marre titullin e Doktorit te Shkencave ne Bukuresht, Rumani, me tezen: ?The Decision-Making Process at the Level of Public Health Policy?. Nga viti 2003 deri me 2007 ka qene kerkues shkencor prane Departamentit te Menaxhmentit dhe Politikave te Shendetit Publik ne UMF ?Carol Davila?, ne Bukuresht.

Me heret Erion Piciri, ka kryer studimet bachelor ne Shkenca Politike ne Bukuresht, ku eshte diplomuar gjithashtu ne studimet master ne Shkenca Administrative, Hapesira Publike Europiane, Komunikim Politik-Marketing Elektoral dhe Politik si dhe Studime mbi Sigurine. Ne formimin e tij akademik perfshihen edhe studime te tjera pasuniversitare ne te Drejte Nderkombetare, Menaxhim dhe Ekonomi. Ai ka publikuar ne rumanisht: Politikat Publike si dhe Imazhi i Institucioneve Publike. Ne proces perfundimi eshte libri ne shqip: Ndryshimi i mendesise dhe lidershipit.

Ne pervojen e tij mesimdhenese dhe trajnuese perfshihen Politikat e Krahasuara, Komunikimi Politik dhe Marketingu Institucional, Qeverisja, Fushatat Elektorale dhe Lidershipi Politik.

Erion Piciri është kontribues si keshilltar politik dhe elektoral i PD, ne periudha te ndryshme, trajnues lidershipi dhe fushatash i te rinjve te PD-se, pjese e listes per kandidate per deputete ne qarkun e Tiranes, ne vitin 2017./ CNA.al

Një tjetër kandidat pranon mandatin/ Shtohet opozita parlamentare