web counter
LEXO PA REKLAMA!

SHKARKO APP

App Store
Google Play

E fundit!

x

Shpërdorim detyre/ IKMT padit kryebashkiakun e Kavajës

15 Prill 2019, 10:15, Aktualitet CNA

Inspektoriati Kombëtar i Mbrojtjes së Territorit në një postim në rrjetet sociale ka bërë me dije kallëzimin penal për kryetarin e Bashkisë së Kasvajës, Isa Sakja.

Krahas kryetarit IKMT ka kallëzuar penalishte dhe dy zytrtarë të tjerë të bashkisë së Kavajës.

Sipas IKMT-së, kallëzimi penal është bërë për shpërdorim detyre.

Njoftimi i IKMT-së:

IKMT kallëzon penalisht kryetarin e Bashkisë Kavajë

Inspektorati Kombëtar i Mbrojtjes së Territorit kallëzon penalisht pranë Prokurorisë së Rrethit Gjyqësor Kavajë, kryetarin e Bashkisë, Isa Sakja. Kryebashkiaku i Kavajës akuzohet per veprën penale të shpërdorimit të detyrës. Së bashku me Kryetarin e Bashkisë, IKMT ka kallëzuar penalisht edhe drejtoreshën e Drejtorisë së Kontrollit, Zhvillimit Urbanistik dhe Pronave, Dëshira Qato si dhe Kryeinspektorin e Inspektoratit të Mbrojtjes së Territorit (IMT) Bashkia Kavajë, Dritan Kazazi. Gjatë kontrolleve periodike që ushtron IKMT në bazë të ligjit në të gjitha bashkitë e vendit, ka vërejtur se në Bashkinë e Kavajës, personat e akuzuar, duke vepruar, apo mosvepruar në dhënien e lejeve të ndërtimit, apo kontrollit të ligjshmërisë, kanë cënuar interesin publik dhe territorin publik në të paktën shtatë objekte shumëkatëshe të ngritura në territorin e bashkisë Kavajë.

IKMT shpreh vendosmërinë e saj, në mbrojtjen e territorit kundër abuzimeve të paligjshme, apo ?të kopsitura? nga zyrtarë që shkelin ligjet dhe besimin e qytetarëve./CNA.al





Lajmet e fundit nga