E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Atentat pjestarit të grupit “Bajri”/ Arrestohen tre persona

15 Prill 2019, 09:07, Aktualitet CNA

Një operacion e Policisë i koduar ?Gruda? në qytetin e Shkodrës është finalizuar sukses.

Sipas Policisë, është arrestuar shtetasi Valter Ksolla 23 vjeç banues në Shkodër. Bashkë me të në pranga ranë edhe dy persona të tjerë si bashkëpunëtorë në fshehjen e krimit.

Të arrestuarit janë dënuar nga Gjykata e Shkodrës në vitin 2017 për plagosjen e shtetasit Nelson Kulla i cili më pas është arrestuar si pjesë e grupit Bajri.

Njoftimi i Policisë:

Shkodër

Finalizohet me sukses Operacioni policor i koduar ?Gruda”

Kapet dhe ndalohet autori i dyshuar i ngjarjes së ndodhur me datë 06.05.2017, ku ka mbetur i plagosur shtetasi N. H.

Nga strukturat e Drejtorisë Vendore të Policisë Shkodër pas një pune të mirëorganizuar, u finalizua operacioni policor ?Gruda? ku u bë kapja dhe ndalimi i shtetasit në kërkim:

V.K, 23 vjeç, banues në Lagjen ?Mark Lula?, Shkodër,

Ndalimi i tij u bë pasi Gjykata e Shkallës së Parë Shkodër, ka caktuar masën e sigurisë ?Arrest në burg?, për veprën penale të “Vrasjes me paramendim, e kryer në bashkëpunim” mbetur në tentative, dhe ?Prodhimi e mbajtje pa leje e armëve dhe municioneve luftarake?, parashikuar nga nenet 78, 22, 25 e 278 të Kodit Penal, pasi është autor i dyshuar për ngjarjen e ndodhur me datë 06.05.2017.

Gjithashtu si rezultat i këtij operacioni u arrestuan në flagrancë shtetasit N. K., 32 vjeç dhe K. K., 25 vjeç, banues në fshatin Grudë e Re, (vëllezër) për veprat penale të ?Përkrahja e autorit të krimit?, ?Prodhimi e mbajtja pa leje e armeve dhe municioneve luftarake? dhe ?Kanosja?, parashikuar nga nenet 302, 84 e 278 të Kodit Penal, pasi këta dy shtetas kishin strehuar në banesën e tyre shtetasin në kërkim V. K, dhe dyshohet se me datë 14.04.2019 kanë qëlluar me armë zjarri në drejtim të banesës së shtetasit L. A., 50 vjeç, banues në fshatin Gruda Re, Shkodër.

Materialet iu referuan Prokurorisë së Rrethit Gjyqësor Shkoder për veprime të metejshme./CNA.al