web counter
LEXO PA REKLAMA!

SHKARKO APP

App Store
Google Play

E fundit!

x

Ironia therëse e Ylli Dylgjerit/ “Polici nuk ka vetëm atje ku ka mafiozë”

15 Prill 2019, 16:02, Aktualitet CNA

Gazetari Ylli Dylgjeri para disa kohësh është pushuar nga puna si specialist i Ministrisë së Ekonomisë.

Përmes një postimi në rrjetet sociale Dylgjeri ka ironizuar policinë e shtetit, pasi kontrollon gjithçka, por jo aty ku duhet.

Postimi i plotë:

Republika e policisë…

Një mëngjes policia e administratës më kontrolloi Face Book- un. Pas një search-i të lodhshëm, skandali u kap! Në FB u gjetën statuse të zinj me përmbajtje të thellë antiparti. Një strofë e tmershme kishte tronditur shtetin dhe familjen shtet! Zullumi ishte mbushur.

U printuan menjëherë faqet e zeza të FB dhe u gjet….njëanshmëria politike! Njëanshmëria ishte fjala kakë! E keqja ishte te kaka. Shteti u trondit te kaka. Kaka ishte diplomatike! Kaka kishte bërë pis shtetin! Më e rënda ishte se kaka në anglisht shkruhej Caka!

Sado u përpoqa tu shpjegoja se është vetëm humor, vetëm një vjershë, vetëm një strofë e jetuar nga një kakë e lëshuar në kushtet e përmbytjes të City Parkut…sërisht nuk kuptohej. Policia Komision Disiplinor s’donte tja dinte, edhe pse ju sqarua se kaka e City Parkut nuk ka lidhje me Cakën e City Holli-t. Jo! Armiku është mes nesh. Fjalor i pisët… Kaq ishte. TË TJERAT ISHIN PUSHIM NGA PUNA.

Por policia nuk mbaron këtu.Policia kontrollon gjithshka në këtë vend. Policia është Shteti. Polici ështe sot kudo me tepri, në Media, në Bulevard, në Kryeministri, në Kuvend, në Sport, në Spital, në Astir, në Bregun e Lumit, në Autostradë, në Shkodër, në Kukës, në Lezhë në Lushnje, në Elbasan…kudo ku ka turma, kudo ka revoltë, është atje në kafe ku ngrihet zëri kundër padrejtësisë, biles edhe policë në pension që mbajnë shënim.

Polici nuk ka vetëm te zyrat e Oligarkëve, banditëve, drogaxhijve; në Aeroport, në Banka, në Porte, në Tregun e Zi, në Llotot, etj.

Polici nuk ka vetëm atje ku ka mafiozë. /CNA.al

 

 





Lajmet e fundit nga