E fundit!

12:07 Aktualitet

KLSH zbulon shkelje në ISUV/ PD: Rama të japë dorëheqjen

Partia Demokratike i ka bërë thirrje kryeministrit Edi Ram...

Zgjedhjet lokale/ Përçahet opozita

15 Prill 2019, 14:06, Aktualitet CNA

Sipas KQZ-së ka mbetur edhe një javë nga skadimi i afatit për regjistrimin e partive politike për zgjedhjet lokale.

Ndërkohë brenda opozitës kanë nisur përplasjet mes partive që kanë djegur mandatet dhe politikanëve që kanë vendosur të hyjnë në parlament.

Në një intervistë për televizionin ?Vizion Plus?, Ligoraq Karamelo tha se PBDNJ duhet të marrë pjesë në zgjedhje.

?Ato kanë një rëndësi të veçantë sepse komunitetet përfaqësohen, zgjedhin përfaqësuesit e tyre dhe ushtrojnë të gjitha kompetencat në zbatim të kushtetutës dhe të konventave ndërkombëtare. Aq më tepër që sot kemi një ligj për minoritetet i cili kërkon aplikim në këto zona. Kështu që në këtë kuadër është më se e domosdoshme që të gjitha minoritetet, padyshim edhe minoriteti grek do të marrë pjesë në zgjedhjet lokale, sepse pjesëmarrja në zgjedhjet lokale përveç të tjerave, duhet zhveshur edhe nga konteksti politik. Zgjedhjet lokale në qoftë se vazhdojmë ti konceptojmë si zgjedhje politike është një qëndrim i gabuar.

Por vendimmarrja finale i ngelet forumeve te partisë, dhe kryetari i PBDNJ Vangjel Dule është rreshtuar ne krah te koalicionit opozitar I cili nuk pranon zgjedhje me Edi Ramen ne postin e kryeministrit.

Ne padyshim që pjesëmarrja e partisë Bashkimi për të Drejtat e Njeriut është një vendimmarrje e të gjithë strukturave të partisë, e kryesisë, padyshim edhe e kryetarit dhe besoj që do të gjejmë një konsensus të tillë për të marrë pjesë në zgjedhjet lokale.

Nga partitë qe hynë ne parlament pas djegies se mandateve, deri tani është konfirmuar se balli kombëtar demokrat qe tashme ka deputet kryetarin Alimadhi do te regjistrohet ne zgjedhjet lokale.

Ndërkohë qe opozita deri me tani nuk ka deklaruar zyrtarisht vendimin për bojkotin e zgjedhjeve lokale, edhe pse është e qarte se ajo nuk do te garoje ne 30 qershor persa kohe qe nuk plotësohet kushti i saj për largimin e kryeministrit Rama e krijimin e një qeverie tranzitore?,- deklaroi Karamelo. /CNA.al