web counter
LEXO PA REKLAMA!

SHKARKO APP

App Store
Google Play

Fatos Lubonja shpreh shqetësimin/ Çfarë tregoi protesta e opozitës?

15 Prill 2019, 16:18, Aktualitet CNA

Analisti Fatos Lubonja deklaroi se problemi më i madh i qeverisë është pandjeshmëria ndaj problemeve që janë të dukshme.

I ftuar në studion  e ?News 42?, Lubonja shtoi se prirja e pushtetarëve është që ta çojnë vendin në dramë për të ruajtur karriget e tyre.

?Problemi i madh i kësaj qeverie është pandjeshmëria ndaj atyre gjërave që janë dukshëm problematike në mënyrën se si qeveriset vendi. Protesta është mjeti i fundit, pasi ka pasur gjëra të tjera që kanë ndodhur para protestave që mund të trondisnin ndërgjegjen e mazhorancës. Ndërsa protestat duan ta tronditin së jashtmi. Se sa mund ta çojnë vendin në drama kjo mbetet për tu parë, prirja e pushtetarëve tanë është të çojnë vendin nga drama në dramë që të ruajnë karrigen e tyre?,- tha Lubonja.

Më tej ai shton se zgjidhja e krizës fillon vetëm me largimin e Edi Ramës.

?Ikja e Edi Ramës është hapi i parë i zgjidhjes së krizës. Kjo krizë është shumë e thellë, krizë që ka të bëjë me raportin e forcave politike, konflikti mes partive, kriza e ndërtimit të një sistemi ku një pakicë ka kapur shtetin, grabit në mënyrë arrogante pasurinë e shumicës, pra, ka të bëjë me sistemin që duhet ndryshuar. Duhet larguar Edi Rama që përdori pakicën e të fortëve, kriminelëve për të sunduar dhe kontrolluar gjithçka në këtë vend. Ndoshta një qeveri teknike, por nuk mund të bëhet qeveri teknike e diktuar nga opozita, duhet diçka e përbashkët si një konsensus për të dalë nga situata?,- përfundoi Lubonja. /CNA.al

 

 





Lajmet e fundit nga