web counter
LEXO PA REKLAMA!

SHKARKO APP

App Store
Google Play

Ekskluzive-Basha shpall të shtunën bojkotin e zgjedhjeve

9 Prill 2019, 11:30, Aktualitet CNA

Ditën e shtunë me datë 13 prill, opozita e bashkuar ka paralajmëruar mbajtjen e një proteste kombëtare, kundër qeverisë dhe kryeministrit Edi Rama.

Ndërkohë, CNA.al ka mësuar se gjatë tubimit të 13 prillit, Lulzim Basha pritet të shpallë bojkotin e zgjedhjeve lokale të 30 qershorit.

Pra, nga njëra anë Lulzim Basha hedh teori për votim online të kandidatëve për deputetë, etj, për të rritur mbështetjen e tij në bazën e PD-së, por nga ana tjetër do të bojkotojë zgjedhjet vendore.

Një gjë e tillë duket se i është raportuar edhe zyrtarit të lartë të DASH, Mathew Palmer, i cili vijon sot ditën e dytë të vizitës në Tiranë.

Palmer sot në një bashkëbisedimi që ka zhvilluar me gazetarët, i ka drejtuar një mesazh mjaft të qartë, Lulzim Bashës, ndërsa ka kërkuar që opozita të futet në zgjedhje.

?Inkurajoj të gjitha partitë të marrin pjesë në zgjedhjet e 30 qershorit. Nuk është zgjidhje djegia e mandateve. Do të ishte fatkeqësi nëse opozita nuk do merrte pjesë në këtë proces të rëndësishëm demokratik. Përgjegjësia e opozitës është të marrë pjesë në zgjedhje të ndajë vizionin me mbështetësit të punojë fort të ketë platformë politike atraktive të ketë kandidatë të fortë që të fitoje zgjedhjet? është shprehur Palmer./CNA.al





Lajmet e fundit nga