web counter
LEXO PA REKLAMA!

SHKARKO APP

E fundit!

x

U vra në atentat/ Artan Cuku shpallet "Dëshmor i Atdheut"

9 Prill 2019, 09:53, Aktualitet CNA

Pasi u shpall nga Bashkia e Dibrës, “Qytetar Nderi” ish drejtuesi i lartë të policisë, i vrarë në atentat, Artan Cuku, mban tashmë edhe titullin “Dëshmor i Atdheut”.

Ish-zyrtari i lartë i Policisë, Artan Cuku, u vra më 8 prill të vitit 2017, në hyrje të pallatit të tij, pranë Liqenit Artificial në Tiranë.

Artan Cuku, babai dy fëmijëve ishte një oficer karriere, deri në vitin 2013 kur u lirua nga policia. Ai ka shërbyer si shef krimesh në Shkodër dhe Fier për t?u emëruar zv.drejtor i Policisë së Tiranës, në periudhën 2009-2011.

Më pas ai u transferua Drejtor i Policisë se Vlorës deri në vitin 2013, vit kur edhe u shkëput nga uniformat blu.

Pas kësaj periudhe 42-vjeçari kishte hapur një biznes në fushën e sigurisë private, por sipas policisë ai asnjëherë nuk ka denoncuar se ndihej i rrezikuar dhe një informacion të tillë nuk e zotëronin as uniformat blu.

Për vrasjen e Artan Cukut, policia ka arrestuar  Mikel Shallarin si vrasës me pagesë, ndërsa porositësi ishte Bledar Jambelli është  arrestuar në Greqi dhe pritet të ekstradohet./CNA.al





Lajmet e fundit nga