web counter
LEXO PA REKLAMA!

SHKARKO APP

App Store
Google Play

E fundit!

x

Lobimet e Bashës/ Reagon Matthew Palmer

9 Prill 2019, 10:47, Aktualitet CNA

Zëvendës Ndihmës Sekretari i Shtetit për Evropën Matthew Palmer, është pyetur nga gazetarët edhe për lobimet e PD.

Gazetarët kanë kërkuar të dinë se cili është qëndrimi i tij në lidhje me të ashtuquajturat lobime të dyshimta të Lulzim Bashës.

Palmer nuk ka pranuar të komentojë këtë çështje, me arsyetimin se është nën hetim.

“Është normale nëse është bërë brenda rregullave. Nuk mund të jap detaje për këtë çështje pasi është nën hetim”, ka thënë Palmer.

Kujtojmë se pak ditë më parë kreu i PD Lulzim Basha në Prokurorinë e Tiranës,  për t?u pyetur në lidhje me disa qindra mijë dollarë të paguara për lobim në SHBA.

Pas marrjes në pyetje, Basha sfidoi Prokurorinë, duke i kërkuar asaj që të bënte publike dy letër porositë.

I menjëhershëm ishte edhe reagimi i Prokurorisë, e cila në një njoftim për mediat tha se kishte dyshime të arsyeshme se PD nuk kishte deklaruar shumën 650 mijë USD për lobim në SHBA, por kishte bërë vetëm një deklarim për 25 mijë USD.

CNA.al duke iu referuar dokumentave ekskluzive përgënjeshtroi Prokurorinë, pasi  shuma e paguar nga Lulzim Basha rezulton të jetë edhe më e madhe sesa 650 mijë USD.

Sipas deklarimeve të bëra nga kompania Lobiste Muzin Capitol LLC, regjistruar në 14.11.2017 rezulton se: Kompania ruse Biniatta Trade LP (kompani offshore) do ti paguante STONINGTONE STRATEGIES sipas marrëveshjes 4 shuma.

Në dokument shkruhet Fees and Expenses, pra tarifa dhe shpenzime: 150 mijë USD për çdo muaj për një periudhë tre mujore, në 15 mars, 15 prill dhe 15 maj, në total shumën prej 450 mijë USD.

Biniata do të paguajë Stonington shumën 500.000 USD si tarifë speciale deri në mbylljen e marrëveshjes në 23 mars 2017.

Lulzim Basha ka paguar 450 mijë USD në tre muaj dhe shumën 500 mijë USD si special fee nga kompania ruse offshore dhe janë plot 950 mijë USD, dhe jo 650 mijë.

Shuma totale prej 950 mijë USD është deklaruar në Departamentin e Drejtësisë në SHBA së bashku me kontratën e plotë./CNA.al

 

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën





Lajmet e fundit nga