Këshilli i Sigurimit të OKB kërkon t’i jepet fund luftimeve në Libi

7 Prill 2019, 17:38, Aktualitet CNA

Këshilli i Sigurimit të OKB kërkon që trupat e gjeneralit renegat libian, Chalifa Haftar të ndalojnë marshimin e tyre drejt Tripolit. Edhe ministrat e Jashtëm të grupit të G7 kërkojnë t?i jepet fund ofensivës.

Këshilli i Sigurimit të OKB tha se është ?shumë i shqetësuar” për ofensivën e trupave të gjeneralit të fuqishëm, Chalifa Haftari. Të ashtuquajturës Ushtria Nacionale Libiane (LNA) e Chalifa Haftarit, i kërkohet ?të ndalojë të gjitha lëvizjet ushtarake”, tha ambasadori gjerman në OKB, Christoph Heusgen mbas një takimi të thirrur urgjentisht në Nju Jork. Gjermania mban kryesinë e Këshillit të Sigurimit.

Organizmi i OKB do të verë para përgjegjësisë për përshkallëzimet e reja në Libi të gjithë përgjegjësit, shtoi Heusgen. ?Në këtë konflikt nuk mund të ketë zgjidhje ushtarake.”

I ngarkuari i posaçëm i OKB me Libinë, Ghassan Salame informoi Këshillin e Sigurimit në një takim me dyer të mbyllura për situatën aktuale në vendin afrikano-verior. Që prej rrëzimit të detyruar me forcë me ndihmën edhe të perëndimit, të pushtetmbajtësit Muammar al ? Gaddafi, në vitin 2011, në vend sundon kaosi.

Luftë për pushtet

Luftëtarët e Haftarit duan që të marrin kryeqytetin libian, Tripoli. Atje ndodhet në pushtet qeveria e njohur nga ndërkombëtarët e kryeministrit Fajis al-Sarradsch, i cili është në garë për pushtet me Haftarin, për të drejtuar vendin e pasur me naftë. Gjenerali renegat përkrahet nga Rusia, Emiratet e Bashkuara Arabe dhe Egjipti. Po ashtu si qeveria e Saradsch-it edhe LNA e Haftarit është e lidhur me shumë milicë lokalë.

Luftime të ashpra

Në afërsi të Tripolit milicët besnikë të qeverisë kanë zhvilluar luftime të ashpra me trupat e Haftarit. Një zëdhënës i LNA, deklaroi se luftëtarët e Haftarit morën kontrollin mbi aeroportin ndërkombëtar që ndodhet në rrethinat jugore të qytetit. Para mbajtjes së takimit në Këshillin e Sigurimit të OKB, ministrat e Jashtëm të G7 kërkuan ndalimin e menjëhershëm të luftimeve në Libi. Palët në konflikt duhet t? i japin fund menjëherë ?të gjitha aktiviteteve dhe lëvizjeve të trupave rreth Tripolit”, deklaruan në Dinardin e Francës ministrat e mbledhur për konsultime.

Luftimet e fundit në afërsi të Tripolit penguan përpjekjet e Kombeve të Bashkuara për të arritur një proces politik në vendin e kapluar nga lufta civile, thuhet më tej. Nëpërmjet dhunës së re vihet në rrezik jeta e civilëve.