web counter
LEXO PA REKLAMA!

SHKARKO APP

App Store
Google Play

E fundit!

x

“Është detyrë e tyre të dialogojnë”/ Ilir Meta nuk pranon të ndërmjetësojë partitë

7 Prill 2019, 08:44, Aktualitet CNA

Presidenti, Ilir Meta, ndodhet sot në Durrës për të bërë homazhe në monumentin e Heroit të Popullit, Mujo Ulqinaku.

Vizita zhvillohet me rastin e 80-vjetorit të nisjes së rezistencës antifashiste, kundër pushtimit të Shqipërisë nga Italia e Bennito Musolinit.

Në një deklaratë për mediat, krahas kësaj teme, presidenti Meta foli edhe për situatën politike në vend. Ai u bëri thirrje partive politike që të dialogojnë. Sipas tij, nuk ka nevojë për mitingje të panevojshme.

“I nxis politikanët të tregojnë që Shqipëria jo vetëm ka bërë përparime, që nuk duhet të shkojnë dëm përmes mitingjeve dhe antimitingjeve të panevojshme. Aq më tepër që jemi edhe në prag të sezonit turistik. Besoj se ka një hapësirë të gjerë për të gjetur hapësirat e duhura”,- deklaroi Meta.

Ndërkohë që u pyet nëse duhet të ndërhyjë presidenca për të zgjidhur konfliktin, ai dha përgjigjen e mëposhtëme.

“Unë besoj se është detyrë e tyre të tregojne vullnet real për dialog dhe të heqin dorë nga forca dhe të ecin me arsye”,- tha Meta.  /CNA.al





Lajmet e fundit nga