web counter
LEXO PA REKLAMA!

SHKARKO APP

App Store
Google Play

E fundit!

x

Nuk përmbahet çuni i Fahriut/ Parlamentin e marrim për 20 minuta

4 Prill 2019, 10:53, Aktualitet CNA

Çuni i Fahriu Balliut, ish-deputeti Klevis Balliu, i cili çdo pasdite është parë në mbështetje të protestës së banorëve të ?Astirit?, sot ishte i pranishëm tek Gjykata e Apelit, ku është dhënë masa e sigurisë për disa nga protestuesit e arrestuar.

Në një prononcim për mediat, Klevis Balliu hodhi akuza të forta ndaj mazhorancës socialiste, për të cilët tha se po vazhdojnë misionin e tyre komunist.

?Edi Rama me banditët e tij kërkon ti bëjë presion qytetarëve. Gjykatat sot janë politike dhe qesharake. Sot është vërtetuar se bijtë e etërve, Edi rama me shokë, jo vetëm kanë lidhje me gjak me bllokmenët, por po vazhdojnë misionin e tyre komunist?-tha Balliu.

Më tej, Balliu theksoi se arrestimi i protestuesve është bërë në kundërshtim me ligjin, pasi sipas tij nuk ka pasur akte dhune.

Ish-deputeti Balliu u shpreh se nëse do të kishin si qëllim të marrin parlamentin, këtë do të mund ta kishin bërë për 20 minuta.

?Më thoni në çfarë vendi tjetër të botës arrestohen protestues kur nuk ka asnjë xham të thyer, asnjë polic të lënduar. Nuk kishte akte dhune, se po të donim të merrnim parlamentin, me gjithë atë turmë njerëzish do duheshin vetëm 20 minuta. Nuk ka rrugë tjetër veç largimi i Edi Ramës?-tha Klevis Balliu.

Gjykata e Apelit ka caktuar masën e arrestit për protestuesit e shoqëruar me 16 Mars. Gjykata ka caktuar arrest me burg për Mariglen Docin, Emilajno Mustafën dhe Dorjan Protoduarin. Ndërsa për Pal Dija, Gazmir Bekshiu, Aldi Spaho dhe Ermir Bruka janë lënë në arrest shtëpie./ CNA.al





Lajmet e fundit nga