web counter
LEXO PA REKLAMA!

SHKARKO APP

App Store
Google Play

E fundit!

x

PD në krizë identiteti/ Patozi tregon se përse është me deputetët e rinj

3 Prill 2019, 12:11, Aktualitet CNA

Astrit Patozi, ish-numri dy i Partisë Demokratike, ka komentuar debatet në lidhje me reformën zgjedhore.

Ditët e fundit, PS i ka shtrirë dorën PD që të bëhet pjesë e ndryshimit të Kodit Zgjedhor.  Mirëpo selia blu, të paktën ish-deputetët janë kundër këtij bashkëpunimi me PS.

Sipas Astrit Patozit, PD, nuk thotë asnjë fjalë, pasi është në krizë identiteti, ndaj duket sikur problemi është tek kryeministri Edi Rama.

“PD është në krizë identiteti dhe nuk thotë asnjë llaf për ta ndryshuar sistemin dhe duket sikur problemi është Rama. Por jo s’është. Ai, nuk është kaq i fortë. PD nuk flet ndërkohë që është penalizuar nga ky sistem, por PD sot po ankohet për deputetët e rinj”, ka thënë Patozi, i ftuar në A2 news.

Mes atyre që dogjën mandatin dhe atyre që e pranuar, Patozi zgjedh kategorinë e dytë.

“Mes atyre që dogjën mandatet dhe mes këtyre të rinjve, zgjedh këta të dytët. Por, po t’i përzgjidhja unë për në lista do të kisha zgjedhur të tjerë. Të rinjtë, më përfaqësojnë, pasi unë nuk do ia lejoja kurrë vetes të digjja mandatin sepse është akt lufte. Kjo ndodh nëse Shqipëria do  të ishte në prag të një luftë civile. Basha, LSI dhe të tjerët, nuk i kanë ezauruar të gjitha mjetet e tjera që të mbërrinin tek djegia e mandateve’, ka thënë Basha./CNA.al





Lajmet e fundit nga