E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Video-Pse nuk gjejmë gjuhën e përbashkët me Opozitën?/ Bushati "shkund" PS

3 Prill 2019, 10:46, Aktualitet CNA

Deputeti socialist Ditmir Bushati ka folur me tone të ashpra, gjatë seancës parlamentare.

Jo vetëm Opozita, por edhe Partia Socialiste janë kritikuar prej tij.

“Nuk ka diskutim që politika shqiptare për herë të parë është në një situatë të paprecedentë. Kemi qenë shpesh në rrethrrotullime, kemi gjetur tabelën exit për të dalë nga këto rrethrrotullime, por për herë të parë në historinë e pluralizmit në Shqipëri, një parti apo dy kanë dorëzuar mandatet e tyre, mandatet e dhëna nga populli. Nuk ka një mendje racionale shqiptare apo ndërkombëtare për të legjitimuar djegien e mandateve si instrument politik për të arritur një objektiv të caktuar qoftë rrëzimin e një Qeverie, ndërrimin e një kryeministri apo provokimin e zgjedhjeve të parakohshme aq më tepër kur ky Kuvend u konstitua në 2017 dhe doli nga zgjedhjet me një Qeveri të përbashkët, ku institucionet kyçe u drejtuan nga Opozita në atë kohë, dhe ky Kuvend u pranua pas zgjedhjeve të 2017 edhe nga Opozita”, ka thënë Bushati.

Megjithatë, sipas tij, nuk mund të mohohet fakti, që boja, vezët, vaji, mielli në parlament kanë dalë sot në rrugë.

Por, pavarësisht të gjitha këtyre, sipas Bushatit, Partia Socialiste nuk mund të bëhet arrogante.

“Duke dalë nga parlamenti opozita ka treguar se ka frikë nga një lloj kapitullimi, por kjo nuk na bën ne arrogant. Kjo nuk mund të na bëjë ne të shpenzojmë orë të tëra duke u marrë me protestat e Opozitës. Ne nuk mund të biem në kurthin e profecisë ve’tpërmbushëse. Ne jemi Partia Socialiste e Shqipërisë, ne jemi socialistë. Ne duam që të ndërtojmë një shoqëri të drejtë dhe më të mirë, për fëmijët tanë por edhe për fëmijët e Opozitës që mungojnë këtu në sallë”, ka thënë Bushati.

Më tej ai ka risjellë në vëmendje, organizatat ndërkombëtare siç është NATO, ku bën pjesë Shqipëria.

“Ka burra dhe gra që kanë bërë të pamundurën për të rritur reputacionin këtij vendi edhe në kushtet politike e kemi bërë baltën mullar në këtë vend”, është shprehur Bushati, ndërsa ka shtruar pyetjen se përse nuk gjendet gjuha e përbashkët me Opozitën.

“Si ka mundësi z, Ruçi, Majko apo deputete parafolëse, pse kur grekën e gjejnë gjuhën për të bërë përpara ne nuk paskemi mundësi për të gjetur gjuhën me njëri tjetrin? A jemi të gjithë shqiptarë? A jemi pjesë e një kombi? Pse e kemi kaq të vështirë të turpërojmë veten tonë, lart e poshtë? Çfarë do ti themi në një 30 vjeçari?”, ka pyetur Bushati kolegët e tij në Kuvend por edhe në Qeveri./ CNA.al