web counter
LEXO PA REKLAMA!

SHKARKO APP

App Store
Google Play

E fundit!

x

"Ju keni marrëveshje me Opozitën e Bashës"/ Rudina Hajdari i përvishet Ballës

3 Prill 2019, 09:48, Aktualitet CNA

Kreu i Grupit Parlamentar i PS, Taulant Balla,  nga foltorja e Kuvendit, ka bërë thirrje që të plotësohen vakancat nga opozita në Komisionin e Reformës Zgjedhore.

?I kemi bërë thirrje opozitës që të plotësojë dy vendet bosh në Komisionin e Reformës Zgjedhore?, tha Balla.

Thirrja e tij ka çuar në reagimin e menjëhershëm të deputetes demokrate Rudina Hajdarit.

Kjo e fundit i ka kujtuar Ballës, se ka përpara një Opozitë të re dhe jo ata që kanë qenë më herët, me të cilët PS ka pasur edhe marrëveshje.

Sipas Hajdari,  çdo marrëveshje me opozitën (atë që udhëheq Lulzim Basha)  nuk ka vlerë pasi tashmë opozita ka deputetë të rinj dhe se Komisionit të Posaçëm i ka mbaruar afati më 21 shkurt 2019.

?Zoti Balla unë fola qartë edhe ajo që po bëni ju, ai komision është mbyllur. Ju nuk vini dot këtu të thoni mandatimi i komisionit. Nuk di unë se çfarë keni folur me ta ( opozitën e vjetër). Ky është një parlament i ri, këtu do vijnë propozime të tjera. E keni mbaruar më 21 shkurt të 2019-ës. Do ulemi do flasim dhe do komunikojmë për propozimet e reja. Nuk kam ardhur të zbatoj rekomandimet e OSBE vetëm”, është kundërpërgjigjur Hajdari.

Më tej Hajdari tha, se ka qëndruar në parlament për t’u thënë partive politike se kanë bërë marrëveshje me njëri- tjetrin me qëllim mbajtjen e  pushtetit me rotacion.

“Jeni të njëjtët që jeni këtu dhe s?keni bërë asgjë për popullin shqiptar?, tha  Hajdari./CNA.al





Lajmet e fundit nga