E fundit!

16:15 Aktualitet

Zaha Hadid Architects dhe Agi Kons prezantojnë "The Nest" dhe "The Cascades of Tirana" në Kodra e Diellit

Në zemër të Kodrës së Diellit, një prej zonave me zhvillim...

Shënim/ Ish-deputetët braktisin Kryemadhin dhe Bashën

3 Prill 2019, 11:54, Aktualitet CNA

Sot opozita ka zhvilluar protestën e radhës, para parlamentit, njëkohësisht me zhvillimin e seancës plenare.

Por, kjo është hera e dytë që protesta braktiset nga kryetari i Partisë Demokratike, Lulzim Basha, i cili rreth dy javë më parë ndodhej në Bruksel, ndërsa sot ndodhet në Berlin.

Por, ajo që bie në sy është se, përveç braktisjes së protestës nga Lulzim Basha, për arsye të udhëtimeve jashtë vendit, protesta është braktisur edhe nga shumica e ish-deputetëve të PD-së dhe LSI-së.

Mjafton të bësh një vëzhgim nga protestat para parlamentit, për të kuptuar se kush janë ish-deputetët që marrin apo nuk marrin pjesë në protestë.

Bie në sy pjesëmarrja e Klevis Balliut, i cili nuk mungon asnjë herë , as në protestat e ?Astirit?, pjesëmarrja e Flamur Nokës, Gazmend Bardhit, Luciano Boçit, Monika Kryemadhit, Petrit Vasilit dhe disa ish-deputetë të rinj të LSI-së, por mungon pjesa më e madhe e ish-deputetëve të Partisë Demokratike.

Në protestë mungon Genc Pollo, mungon Valentina Duka. As Astrit Veliaj, Dhurata Çupi, Xhemal Gjunkshi, Fatbardha Kadiu, Enkelejd Alibeaj, Izmira Ulqinaku, Romeo Gurakuqi, Aldo Bumçi dhe shumë e shumë personazhe të tjerë të Partisë Demokratike, nuk u dukën sot në protestë.

Nuk duken të kenë qënë edhe në protesta të tjera.

Lista Basha, apo lista Kryemadhi, ku mungojnë ish-ministrat e saj në protestë, ku mungon Ylli Manjani, mungon Edmond Haxhinasto, Nasip Naço, Edmond Panariti, Shezai Rrokaj e shumë personazhe të tjerë të LSI-së, ashtu sikurse nga PD-ja, që nuk shkojnë në protestë.

Pra, ata kanë qënë në lista vetëm për t?u bërë deputetë. Për të marrë benefite dhe për të shtrydhur pushtetin.

Duket qartë se shumica e deputetëve të PD-së dhe LSI-së i lanë mandatet, kanë braktisur partitë e tyre. Nuk shkojnë në protestë, nuk dalin në krye të tyre dhe të udhëheqin, sikurse duhet të veprojnë, por duket qartazi se ata janë larguar në ndonjë qoshe, por shumicën i gjen edhe nëpër kafe.

Mungojnë në protestë partitë aleate. Mungon Shpëtim Idrizi, mungon Vangjel Dule, e shumë nga partitë që ka në koalicion Lulzim Basha.

Janë parë vetëm Dashamir Shehi me Agron Dukën, edhe ata diku në fund të protestës.

Prandaj, ajo që ndodh me protestat e opozitës është braktisja edhe nga ish-deputetët, nga vetë Lulzim Basha që ka ikur jashtë apo aleatët që e kanë braktisur, duke i lënë vetë qytetarët të përballen me policinë, vetë të luftojnë për t?ju dhënë mandatet në zgjedhje të parakohshme./CNA.al

Basha tradhëton sërish demokratët/ Braktis për herë të dytë protestën