web counter
LEXO PA REKLAMA!

SHKARKO APP

App Store
Google Play

"Basha po vuan pasojat e aktit ekstrem"/ Patozi: Perëndimi ia ka mbyllur dyert

3 Prill 2019, 11:56, Aktualitet CNA

Ish-nënkryetari i Partisë Demokratike, Astrit Patozi ka kritikuar ashpër kreun e PD-së Lulzim Basha, pasi sipas tij, aksionin që ai e trumbeton e ka për halle personale.

Me djegien e mandateve, sipas tij,  Basha, është munduar të ngrejë një vorbull në Shqipëri.

“Nuk besoj se ka bërë gjënë e duhur por ka bërë aq sa di dhe aq sa mundet. Pas vendimit ekstrem për djegien e mandateve, Basha është munduar të ngrejë një vorbull në Shqipëri. Perceptimi i publikut është se ky është nj hall personal i tij. Basha duhej të ishte i përgjegjshëm që të mos mendonte se djegia e mandateve është leva e Arkimendit në politikë”, ka thënë Patozi në një intervistë në A2 neës.

Sipas Patozit, Basha tashmë po vuan pasojat.

“Uroj që PD ish- shpia ime politike të zgjohet dhe së pari të kuptojë që ky ishte gabim. Unë nuk shikoj pendesë tek Basha dhe as mund të presësh pendesë nga një njeri që kalon në vetvrasje”, ka thënë Patozi, ndërsa ka argumentuar faktin se përse ndërkombëtarët ia kanë mbyllur derën kreut të PD-së.

Sipas Patozit, Basha nuk mund të shkojë në perëndim të kërkojë zgjidhje për një hall që si ka pyetur më herët.

“Basha nuk mund të gjejë asnjë derë hapur në perëndim hapur edhe sikur të trokiste  në derën e Kim Yong-un, nuk do të gjente miratim për këtë gjest që ka bërë. Basha po kërkon oksigjen për të mbajtur veten gjallë, pas një aksioni politik që ka marrë unë e shoh të dëshpëruar”, ka thënë Patozi./CNA.al





Lajmet e fundit nga