web counter
LEXO PA REKLAMA!

SHKARKO APP

App Store
Google Play

Ish-drejtuesi i Policisë jep alarmin/ Grupet kriminale në Shkodër të lidhura me politikën

30 Mars 2019, 15:51, Aktualitet CNA

Ngjarja e fundit kriminale në qytetin e Shkodrës ku u vranë në derën e shtëpisë dy vëllezër u komentua nga ish drejtuesi i lartë në Policinë e Shtetit, Ismail Elezi në studion e Syri.net

Sipas Elezit, puna e çdo polici matet me rezultatet por qytetarët nuk kanë më besim tek Policia.

Më tej Elezi u shpreh se mekanizmate e vrasjeve në Shkodër janë të njëjta.

?Puna e çdo polici matet me rezultatet. Nuk them se nuk do të ketë vrasje, por do të ketë në familje, për një konflikt të çastit. Por ajo që më shqetëson mua janë vrasjet të tipit mafioz dhe krimit të organizuar në Shkodër. Kjo më shqetëson. Vrasja me motive të dobëta ndodh, nuk janë të paramenduara. E ke një indicie, që para 5 ditësh apo 5 muajsh u vra një person, atëherë në dosje duhet të kesh të evidentuar lidhjet e këtij personi, familjare apo shoqërore, për të shkuar te informacioni. Por kjo nuk ndodh. Qytetarët nuk kanë më besim te policia. Mekanizmat e vrasjeve në Shkodër janë të njëjta?,-tha Elezi.

Ish drejtuesi i lartë i Policisë ngre alarmin se situata e tillë është në Elbasan edhe në Vlorë. Ai gjithashtu shton se Grupet kriminale që operojnë në Shkodër janë të lidhur me politikën.

?Nga do ta kthesh kokën të njëjtën situatë ke. Vlora ka 50 njerëz të humbur, ka tritol për ditë. Elbasani ka vrasje. Të gjitha pa autorë. Kështu ka qenë Shkodra? Absolutisht jo. Grupet kriminale që operojnë në Shkodër janë njerëz të lidhur me politikën?,-deklaroi Elezi./CNA.al





Lajmet e fundit nga