Artisti korçar telendis Edi Ramën/ “Turp për faqe të zezë, për këta intrigantë, servila, hajdutë të djersës së popullit”

30 Mars 2019, 14:49, Aktualitet CNA

Artisti korçar, Endri Prifti i është drejtuar Kryeministrit Edi Rama me një status në rrjetet sociale, pas një situate të pakëndshme, që ka kaluar me forcat policore duke u gdhirë mëngjesi i sotëm. Ai shprehet se ka pasur terror nga ana e policisë së shtetit si dhe shton se i janë shkelur edhe të drejtat njerëzore.

?Zoti kryeministër!Mbrëme mbas një koncerti rreth orës 2 e 30 ishte një terror mbi 50 policë dhe ndalonin makinat me ato shkopinjtë që kanë ( tabelat ) me vrap në mes të rrugës.Terror. Kjo është policia që duam? Dhuna, shkelja e të drejtave njerëzore? Mua më bënë test alkooli dhe më doli 0.3 . Më moren makinën në mes të natës, më dhunuan ndjenjat , gëzimin dhe duartrokitjet, që kisha marrë deri në atë moment.?

?Ky nuk është shteti që duam, kështu nuk shkojmë drejt Europes . Duhet t?ju terheqesh vëmendjen këtyre të pa diturve që drejtojne këto institucione. Mua nuk ma heqin dot buzëqeshjen, por çdo njeri tjetër me atë terror që ishte mbrëmë , i mbetet traumë për jetën . Punësoni njerëz me dije, jo nga këta që i zbon(dëbon) gruaja dhe qajnë dhe nuk dinë se ç?është jeta.?

Artisti vazhdon duke treguar edhe një rast personal në lidhje me një seancë gjygjësore që ka hapur në gjykatën e rrethit të Korçës.

Ai thotë se fitoi seancën e parë, mirëpo duke parë agjendën e tij, u vendos që seanca pasaardhëse të vendosej në ditën kur ai do të ishte jashtë qytetit.

“Një rast tjetër me gjykatën . Kam hapur një gjyq në Korçë , me një B**e , s?ka rëndësi, se ky vend tani vetëm prostituta dhe droge po mbart . Bëra 1 seancë e fitova , panë agjendën time që isha në turne 2 javë koncerte, Angli Amerike dhe me çojne seancen tjetër në këto ditë. ”

Më pas ai flet për një parregullsi që ka ndodhur në sallën e gjyqit, sipas arstistit në seancën e dytë, duke qenë se ai ndodhej jashtë vendit mendoi të dërgonte avokatin si përfaqësues. Duke qenë se edhe avokati ndodhej jashtë vendit pala e tij mbeti e papërfaqësuar në sallën e gjyqit. Gjithsesi pavarësisht kësaj gjykata e mori vendimin në favor të palës tjetër.

“Epo thashë unë po shkon avokati , as ai nuk ishte , ishte në Kanada . Këta morën vendimin, me mos paraqitjen e paditësit, pa asnjëlloj arsye gjykata vendos të pezullojë çështjen dhe të fitojë hajduti . Turp për faqe të zezë për këta intrigantë, servila hajdutë të djersës së popullit . Faleminderit shumë . Uroj që ta bëni shtetin siç duhet.”/CNA.al