web counter
LEXO PA REKLAMA!

SHKARKO APP

App Store
Google Play

Deklarata tronditëse/ Shkodra, skenë eksperimentale e krimit

30 Mars 2019, 13:29, Aktualitet CNA

Pas ngjarjes së rëndë ku dy vëllezër u vranë me breshëri plumbash në derën e shtëpisë në Shkodër, ka ardhur reagimi i fortë i opozitës.

Ish-deputetja e Partisë Demokratike Izmira Ulqinaku shprehet se as në vitin 1997 nuk ka qenë kjo gjendje.

Në një postim në rrjetet sociale, Ulqinaku thotë se Edi Rama e ka kthyer Shkodrën në skenë eksperimentale të krimit.

Për të, pushteti i krimit po mbjell terror dhe pasiguria ka pushtuar jetën e qytetit verior dhe të qytetarëve. Ajo nënvizon se Rama po ndjell frikë e tmerr mbi Shkodrën, qytetin e artit e të kulturës.

?Shkodrën, Edi Rama dhe Rilindja e ka kthyer në parcelë eksperimentale të krimit.

Mllef dhe urrejtje politike po shfryn pa reshtur Edi Rama mbi qytetin tonë të dashur. Të thuash e ka shndërruar në Palermo është pak! Krimi dhe Rilindja janë bërë binom i pandarë në Shkodër.

Në këto vite në Shkodër të thuash ka shtet është njëlloj si të thuash ka ujë në shkretetirë.?-shkruan ndër të tjera Ulqinaku.

Statusi i Ulqinakut:

Në Shkodrën e artit e të kulturës krimi është ai që dominon gjithçka.

Pushteti i krimit po mbjell terror dhe pasiguria ka pushtuar jetën e qytetit dhe qytetareve.

As në 1997 nuk ka qenë kjo gjendje e kjo ndjesi frike.

Shkodrën, Edi Rama dhe Rilindja e ka kthyer në parcelë eksperimentale të krimit.

Mllef dhe urrejtje politike po shfryn pa reshtur Edi Rama mbi qytetin tonë të dashur. Të thuash e ka shndërruar në Palermo është pak! Krimi dhe Rilindja janë bërë binom i pandarë në Shkodër.

Në këto vite në Shkodër të thuash ka shtet është njëlloj si të thuash ka ujë në shkretetirë.

Për qytetin është i rëndë bilanci në 8 muaj, 11 të vrarë dhe dy të humbur dhe asgjë nuk është zbuluar.

Shkodra që ka eksportuar art e kulturë nuk mund të pranojë që Rilindja dhe Edi Rama ta imponojë të eksportojë kriminalitet. Shkodra të perbuz ty Edi Rama.

Djepi i kulturës shqiptare të ka refuzuar dhe të refuzon ty dhe Rilindjen tende.

Rama ik!/CNA.al





Lajmet e fundit nga