web counter
LEXO PA REKLAMA!

SHKARKO APP

App Store
Google Play

Dy vëllezërit u ekzekutuan në prag të shtëpisë/ Gjunjëzohet Policia

30 Mars 2019, 10:40, Aktualitet CNA

Shkodra, qendra e Veriut, është tronditur mëngjesin e sotëm nga një ekzekutim mafioz.

Breshëri plumbash janë zbrazur mbi dy vëllezërit Bilali, në pragun e shtëpisë së tyre.

Policia  dhe forcat e Reneas kanë blinduar Shkodrën, por deri në këto momente nuk kanë arritur të identifikojnë autorët.

Në këto kushte, Policia iu është drejtuar qytetarëve, duke kërkuar bashkëpunimin e tyre për zbardhjen e ngjarjes së rëndë mafioze.

Ngjarja ka ndodhur rreth orës 09:45, në lagjen ?Guerile? në vendin e quajtur ?Zooteknika?,  ku janë vrarë me armë zjarri shtetasit  Astriti  Bilali rreth 59 vjeç dhe Brahim Bilali, 61 vjeç

Njoftimi i policisë:

Me datë 30.03.2019, rreth orës 09:45, në lagjen ?Guerile? në vendin e quajtur ?Zooteknika?, nga persona ende të pa identifikuar janë vrarë me armë zjarri shtetasit  A. B. rreth 59 vjeç dhe B. B., 61 vjeç (vëllezër).

Shërbimet e Policisë kanë shkuar menjëherë në vendngjarje dhe janë vënë në ndjekje të autorëve të cilët pas ngjarjes janë larguar me një automjet i cili është gjetur duke u djegur në një rrugicë në brendësi të lagjes ku ka ndodhur ngjarja.

Në ndihmë të Policisë së Shkodrës janë vënë forcat FNSH Shkodër, ku janë ngritur pika kontrolli, si dhe po bëhet krehja në një perimetër të gjerë të zonës me qëllim kapjen e autorëve.

Gjithashtu nga Drejtoria e Përgjithshme e Policisë së Shtetit është nisur një grup i posaçëm me ekspertë dhe drejtues të Policisë Kriminale dhe asaj të Rendit për t?ju bashkuar grupit hetimor të ngritur për zbardhjen e kësaj ngjarje.

Policia e Shkodrës kërkon bashkëpunimin e qytetarëve që çdo informacion sado të vlefshëm që mund të kenë të njoftojnë  në numrin 112 ose në numrin 0 69 410 2147 duke ju garantuar ruajtjen e plotë të  anonimatit./CNA.al

 

Histori bandash, vrasjet dhe lidhjet politike të familjeve mafioze/ Shkodra ?Palermo? shqiptare

Terror në Shkodër/ Zbulohen fotot e viktimave

Luftë mes bandave në Shkodër/ Si u ekzekutuan dy vëllezërit

 





Lajmet e fundit nga