Dako drejt tërheqjes/ Zbulohen kandidatët e PS në Durrës

30 Mars 2019, 16:33, Aktualitet CNA

Mos konfirmimi publik në takimin e djeshëm në Bashkinë e Durrësit për kandidaturën e Vangjush Dakos, në lokalet e qershorit, nga kryemnistri Rama, ka çuar në zbardhjen më tej të detajeve për një tërheqje të Dakos nga gara në marrëveshje me kryeministrin.

Edi Rama duket se po luan hapur për të mos i lënë opozitës asnjë hapësirë për akuza gjatë zgjedhjeve lokale. Mos konfirmimi apo moskandidimi i Vangjush Dakos në Durrës, apo tërheqja e tij personale, është një sinjal i pastër drejtuar opozitës, e cila ka djegur mandatet e deputetëve dhe ka deklaruar se mund të bojkotojë zgjedhjet lokale.

Pas takimit të pasdites së djeshme kreu i qeverisë dhe drejtuesit lokalë të socialistëve janë mbledhur në një darkë, tek i famshmi ?Kashta?, brenda kavalishencës në Durrës.

Në darkë ka qenë i pranishëm kryeministri, kryebashkiaku Dako, deputetët socialistë të Durrësit duke filluar nga ministri Blendi Klosi, kreu i qarkut, prefekti etj.

Mësohet se edhe në këtë tavolinë me drejtuesit më të rëndësishëm lokalë kryeministri nuk ka konfirmuar Vangjuash Dakon si kandidat të socialistëve për herë të 4-ërt në Durrës.

Burime nga kjo darkë i thanë CNA.al se Vangjush Dako, mund të tërhiqet nga rikandidimi edhe pse është një nga miqtë më të ngushtë të kryeministrit. Dako mund ti hapë rrugë një marrëveshjeje të re Qeveri ?Opozitë, apo të rrëzojë çdo argument apo akuzë për zgjedhjet lokale.

Në darkë mësohet se Rama ka kërkuar fitoren e Durrësit por pa saktësuar emrin e kandidatit.

CNA.al ka mësuar emrat kryesorë që mund të jenë në garë për socialistët në Durrës dhe duket se javët e fundit ka shumë ndryshime. Ardian Çela një nga emrat kryesorë pas Dakos, nuk ka pranuar të jetë një nga emrat garues, këtë e e ka deklaruar edhe pranë miqve të tij të ngushtë.

Emrat e rinj që janë potencial i socialistëve për Durrësin, janë Spartak Kovaçi, i cili është drejtori i Ujsjellës Kanalizimeve Durrës, Klodiana Spahiu deputete e Durrësit dhe Rovena Voda aktualisht zv/ministre e Brendshme.

Enigma e kandidatit socialist të Durrësit do dojë dhe pak javë që të zgjidhet në një kohë kur opozita është në protesta dhe kërcënon me bojkot./CNA.al