web counter
LEXO PA REKLAMA!

SHKARKO APP

App Store
Google Play

E fundit!

x

Vettingu në Polici/ Xhafaj kundër Lleshajt

28 Mars 2019, 12:42, Aktualitet CNA

Ministri i Brendshëm, Sandër Lleshaj u bëri thirrje deputetëve që të votojnë ndryshimet në Ligjin për Vettingun në Polici.

Por, ish-paraardhësi i tij Fatmir Xhafaj ka thënë se ndryshimet që po bëhen në ligj nuk janë të duhurat.

Xhafaj ka radhitur tre arsye, sipas të cilit paraqesin mangësi në këtë ligj dhe dëmtojnë rëndë procesit e Vettingut në Polici.

“Unë jam paranojak në këtë gjë aq sa janë kolegët tanë në Evropë dhe Amerikë. Jam i keqardhur që ligji për Vettingun në polici nuk u bë i zbatueshëm në kohë. Ndryshimet që i bëhen ligjit nuk janë të duhura”, ka thënë Xhafaj, duke radhitur më tej dhe arsyet.

“E para është se cënohet pavarësia. SHÇBA, nuk duhet të jetë në varësi të Ministrit të Brendshëm. E dyta cënohet, cilësia dhe shpejtësia e procesit, pasi SHÇBA, nuk ka kapacitet për të kryer Vettingun e këtij niveli. E treta, argumenti financiar nuk është i justifikuar se e gjithë ajo shumë 2 milion euro që do të kursehet është e papranueshme”, ka thënë Xhafaj, duke shenjëstruar drejtpërdrejt Ministrin Lleshaj.

Paraprakisht, ministri Lleshaj, deklaroi se kostoja  e procesit të Vettingut në polici do të jetë 3 mln dollarë. Ai sqaroi procesi i vettingut do të jetë i ndarë në 3 faza dhe 393 persona do të merren me këtë proces.

“Problemet kryesore që lidhen me këtë model, që është ende në fuqi janë: Koha, kosto dhe krijimi i një gjendje disi provizore në motivimin e një personeli të madh të Policisë së Shtetit, i cili bashkë me Gardën e Republikës dhe me SHÇBA-në shkon rreth 13 mijë punonjës”, ka thënë Lleshaj./CNA.al

 

 





Lajmet e fundit nga