web counter
LEXO PA REKLAMA!

SHKARKO APP

App Store
Google Play

Protesta e 13 prillit me skenar rus?/ Pas lobimeve, zbulohet një tjetër skandal i Bashës

28 Mars 2019, 10:57, Aktualitet CNA

Nga foltorja e Kuvendit, kreu i grupit parlamentar të PS, Taulant Balla, ka thënë se duhet të forcohet ligji për financimin e partive politike.

Këtë deklaratë Balla e bëri duke iu referuar skandaleve të lobimeve të njëpasnjëshme ky dyshohet se është i përfshirë kreu i PD -së Lulzim Basha.

“Duhet të forcojmë edhe ligjin e financimit të partive.   Jemi përpara një akti të konfirmuar se për fatin e keq të shqiptarëve, sot dëshmohet që PD-ja të jetë peng i një financimi të dyshimtë me burim rus prej më shumë se një milion dollarësh. Ish ? zv/ndihmësi i sekretarit amerikan të mbrojtjes tha dje qartë se kur opozita djeg mandatet, kjo është toka më pjellore që Rusia të ushqejë më shumë armiqësi në Ballkan”, ka thënë Balla.

Më tej ai ka hedhur dritë mbi skenarin e protestës së 13 Prillit.

“Nuk është rastësi që në të njëjtën datë zhvillohet protestë edhe në Shqipëri edhe në Serbi, madje sipas urdhërit po e spostojnë në darkë si atje.Nuk është e rastësishme që në 16 shkurt e 16 mars të ketë protestë në Podgoricë Tiranë e Beograd e më tej protesta e 13 prillit në Tiranë të bëhet pasdite.  Kështu del përpjekja jonë për një ligj shumë të mirë për financimin e partive politike. Do të sjellim një ligj për financimet”,  ka thënë Balla, duke hedhur dyshime se gjithçka po shkon sipas një skenari me bazë ruse.

Balla e ka përfunduar fjalimin e tij, me një thirrje Prokurorinë.

“Thirrja ime sot është për prokurorinë : Të vijojë punën me intensitet, të gjithë e dinë që ka një hetim edhe nga autoritet skoceze e për të cilat janë fajtor një kupolë drejtuese kriminale në PD. Basha sot është një huligan që merr guximin të godasë policinë e shtetit. Kushdo të jeni të sigurtë që do marrë ndëshkimin që i takon?, ka thënë Balla./CNA.al





Lajmet e fundit nga