web counter
LEXO PA REKLAMA!

SHKARKO APP

App Store
Google Play

Ekzekutimi i Jurgen Kurtit/ Zbardhet skema e autorëve

28 Mars 2019, 15:39, Aktualitet CNA

Rreth një javë më parë një ngjarje e rëndë tronditi kryeqytetin ku në afërsi të sheshit ?Willson? u ekzekutua shtetasi Jurgen Kurti.

Policia ka arrestuar tre persona si të përfshirë në këtë ngjarje dhe ka shpallur në kërkim një tjetër i cili dyshohet si autori i kësaj ngjarje të rëndë.

Shtetasit Alesio Berberi, Elsi Levendi dhe Olsi Qalliaj janë arrestuar, ndërkohë, që në kërkim është shpallur Klodian Bane.

Ndërkohë, pas dëshmive të djemve dyshohet se vrasja e Kurtit ka qenë e porositur por ende nuk dihet se cili është porositësi.

Është zbardhur skema dhe lëvizjet e të arrestuarve në momentin e ekzekutimit të 26 vjeçarit Jurgen Kurti.

Elsi Levendi ka përgjuar Jurgen Kurtin dhe ka dhënë sinjalin që ai ka dalë nga Palestra më pas ai ka marrë taksi dhe ka shkuar tek liqeni ku është takuar me Klodian Banen dhe më pas mbërriti edhe Olsi Qalliaj me një automjet tip ?audi? i cili është filmuar në afërsi të vendngjarjes.

Kurti u qëllua nga një automjet ?Benz? i cili ishte futur kundravajtje në orën 20:00.Automjetit në momentin e frenimit nuk i punonte sinjali. Ky mjet ka qëndruar i parkuar për më shumë se një orë. Autori ka dalë nga ky mjet dhe ka qëlluar mbi Kurtin./CNA.al





Lajmet e fundit nga