E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Liri a vdekje, për Ramën dhe Bashën

28 Mars 2019, 14:29, Aktualitet CNA

Kryetari Republikës së re, Lulzim Basha sot nga mesi i turmës përpara parlamentit, u shpreh me fjalët ?Liri a vdekje, demokraci a vdekje?.

Në fakt më shumë sesa ?liri a vdekje? për demokracinë, fjalët e Bashës janë ?Liri a vdekje? për Edi Ramën, apo e kundërta e saj e Edi Ramës për Lulzim Bashën.

Sisitemi politik i tyre dhe mënyra sesi ata funksionojnë tregon se janë në shërbim të njëri-tjetrit në çdo aspekt dhe garancitë që jepen për mbijetesën e tyre nga presidenti Ilir Meta.

Lulzim Basha tha ?Liri a vdekje për demokracinë?, por ende nuk ka sqaruar pse ka firmosur 1 milion e 25 mijë USD për lobim në SHBA dhe kush i ka paguar 650 mijë dollarët për PD-në.

Lulzim Basha tha sot ?Liri a vdekje?, por është ai që firmosi marrëveshjen me Edi Ramën me 17 maj 2017. Bëri një marrëveshje personale, hyri në qeveri me ministra personal, dhe humbi zgjedhjet personale dhe pasi nuk hyri dot në qeveri në shtator sepse Rama fitoi vetëm, u kujtua pas dy vitesh të thotë se Rama i bleu votat.

Në fakt ato zgjedhjet i mbajnë mend të gjithë. Lulzim Basha, në marrëveshje me Ramën ishte vërsulur kundër LSI-së dhe Ilir Metës.

Por, sot ajo që na mungon në protestë janë ministrat e Edi Ramës, më hajdutët.

Flet Monika Kryemadhi, por mungon Edmond Haxhinasto, katër vjet ministër i Ramës tek Transportet, njeriu më i dështuar dhe i korruptuar.

Na mungon të na flasë Petrit Vasili dhe Ylli Manjani, me skandalin e tyre të Byzylykëve, me ekspertin që e nxori Ilir Metën të pafajshëm tek video-skandali Meta-Prifti.

Na mungon edhe një tjetër ministër i LSI-së, Edmond Panariti, Nasip Naço apo të tjerë personazhe që kanë qënë në qeveri deri pak muajsh.

Mungojnë të na flasin drejtorët e korruptuar të LSI-së, nga i pari tek i fundit, të cilët sot e mbajnë veten sikur janë në opozitë, por nuk janë gjë tjetër veçse banda që kërkon amnisti ?Për Liri a vdekje?.

Nga ana tjetër përballë tyre qëndron Edi Rama, i cili kërkon sërish me ?Liri a vdekje? të shpëtojë ministrat e tij të përfshirë në skandale, kërkon të shpëtojë drejtorë dhe kryebashkiakë të korruptuar, ata që kanë blerë vota apo ata që e kanë mbështetur për t?u zgjedhur kryeministër.

Përballë Lulzim Bashës për ?Liri a vdekje? qëndron edhe Edi Rama për amnistinë e tij. Ashtu sikurse qëndron edhe Lulzim Basha për amnistinë e tij, për amnisitinë e 21 janarit, për shitjen e detit Greqisë, apo për miliona eurot e kunatit dhe bizneset që i shtohen.

E kështu pra, sistemi ka nevojë vërtetë për ?Liri a vdekje?, por jo kjo e Lulit, e Ramës apo e Metës. Kjo treshe e cila mban në këmbë njëri-tjetrin, që ruajnë sisitemin fort dhe nuk bëjnë asgjë më tempër, veçse rrjepin shqiptarët për të qëndruar në pushtet duke mjelur sa më shumë e kur njëra palë nuk i jep tjetrës, atëherë bëhet agresive.

Kështu po ndodh sot mes Ramës e Bashës, sepse ky i fundit ka ngelur pa gjë.

Nuk ka ngelur gjë tjetër vetëm ?Liri a vdekje?, derisa Rama t?i japë ?kockën? që i takon Lulit./ CNA.al