web counter
LEXO PA REKLAMA!

SHKARKO APP

App Store
Google Play

E fundit!

x

Shtyhen me tre muaj hetimet për Llallën/ "Rebelohet" ish-Kryeprokurori

27 Mars 2019, 13:49, Aktualitet CNA

Prokuroria për Krimet e Rënda ka zgjatur me tre muaj afatin e hetimit  për ish-Prokurorin e Përgjithshëm,  Adriatik Llalla.

Mësohet se vendimi i prokurorisë për shtyrje të hetimit është kundërshtuar në Gjykatë nga Llalla.

Llalla po hetohet nga Krimet e Rënda për disa vepra penale si të  ?Refuzimit për deklarim, mosdeklarimit, fshehjes ose deklarimi i rremë i pasurise, interesave private të zgjedhur dhe nëpunësve publikë ose i çdo personi tjetër që ka detyrimin ligjor për për deklarim?, ?Mosdeklarimit të shumave të të hollave ne kufi?, ?Pastrimit të produkteve të veprës penale? dhe ?Shpërdorimit të detyrës?.

Çështja penale kundër ish-kryeprokurorit Adriatik Llalla nisi më parë për 4 akuza nga prokuroria e Durrësit, për të kaluar më pas në  Prokurorinë e Krimeve të Rënda, në duar të prokurorit, Klodian Braho.

Më herët, Gjykata për Krime tëRënda ka sekuestruar disa prona të ish-kryeprokurorit të Përgjithshëm, Adriatik Llalla.

Me vendimin nr.179, datë 20.07.2018 të Gjykatës së Shkallës së Parë për Krime të Rënda Tiranë, është vendosur pranimi i kërkesës së Prokurorisë, vendosja e masës së sigurimit pasurore ?sekuestro preventive? për pasuritë e paluajtshme të mëposhtme:

Apartament banimi, me sipërfaqe 67.2 m², ndodhur në Durrës;

Tokë arë, me sipërfaqe 4.500 m², ndodhur në Tiranë;

Tokë arë, me sipërfaqe 12.300 m², ndodhur në Tiranë;

Tokë arë, me sipërfaqe 3000 m², ndodhur në Tiranë;

Tokë arë, me sipërfaqe 2250 m², ndodhur në Tiranë;/CNA.al





Lajmet e fundit nga