web counter
LEXO PA REKLAMA!

SHKARKO APP

App Store
Google Play

E fundit!

x

Krimet e Rënda në kaos/ Arta Marku pendohet që shkarkoi Hajdarmatën?

27 Mars 2019, 13:31, Aktualitet CNA

Me 8 maj 2018, Prokurorja e Përgjithshme e përkohshme Arta Marku, shkarkoi Besim Hajdarmatën nga drejtimi i Prokurorisë për Krime të Rënda.

Në vend të tij, emëroi Donika Prelën e cila në atë kohë drejtonte organin e akuzës në qytetin e Durrësit.

Ky ndryshim u komentua gjatë, madje edhe nga politika e cila lëshoi akuza të rënda ndaj Markut, me pretendimin se po kërkonte që të mbyllë hetime të caktuara nëpërmjet mikeshës së saj Donika Prela.

Kur kjo e fundit po bën 9 muaj në krye të Prokurorisë për Krime të Rënda, ky instituticion ka njohur rënie.

Ky konstatim që është bërë në vijimësi nga mediat është përforcuar dhe konfirmuar sot nga Prokurorja e Përgjithshme e përkohshme Arta Marku.

Gjatë analizës një vjeçare të punës së  Prokurorisë për Krime të rënda, Marku  foli me tone kritike.

“Prokuroria për krimet e rënda ka qenë më cilësore ka ardhur në rënie për shkak të ndërthurjes së punës me interesa personale.

Ju kërkoj të fokusoheni te puna, hetoni cështjet që kanë trazuar jetën politike, hetimi të jetë objektiv. Hetimi pasuror le për të dëshiruar. Ushtroni kompetencat e plota deri në ngritjen e SPKA, krijimi dhe korrupsioni duhet të luftohen çdo ditë ajo”, ka thënë Marku.

Por pavarësisht këtij konstatimi, Marku nuk denjoi të kërkojë faljet për paligjshmëritë në të cilat e ka zhytur këtë institucion.

Kujtojmë se Marku ka dy gjyqe te humbura me dy nga prokurorët për Krime të Rënda dhe kujtojmë gjithashtu se Marku mban përgjegjësinë kryesore për rënien  cilësisë së punës së kësaj Prokurorie.

Nëse sjellim në vëmendje debatin për çështjen Shullazi, skenari për atë kaos, dyshohet se mban firmën e Markut dhe të Prelës./CNA.al





Lajmet e fundit nga