web counter
LEXO PA REKLAMA!

SHKARKO APP

App Store
Google Play

Arta Marku "shkund" Krimet e Rënda/ "Më vjen turp prej jush"

27 Mars 2019, 11:46, Aktualitet CNA

Kryeprokurorja Arta Marku ka marrë pjesë në analizën e Prokurorisë së Krimeve të Rënda.

Me tone të ashpra, Marku ka kritikuar punën e prokurorëve të kësaj Prokurorie.

“Kjo është prokuroria më e rëndësishme në vend, asnjë veprim i kësaj nuk mund ti shpëtoj opinionit apo politikës.  Kjo rrit presionin dhe vështirëson punën tuaj.  Keni trajtuar me sukses shumë raste. Pavarësisht ngarkesës keni treguar se dini të punoni dhe në kushtet e një presioni shumë dimensional, por disa prokurorë të tjerë nga radhët tuaj na kanë bërë që të na vijnë turp, e kanë keqpërdorur duke nxjerrë informacion dhe dokumentacion pa dashur t’ia dinë për ruajtje të sekretit hetimor”, ka thënë Marku.

Sipas saj ata  kanë harruar të bëjnë detyrën dhe të kryejnë hetime aty ku duhet të kryheshin.

Marku ka shkuar edhe më tej duke akuzuar prokurorët se kanë mbajtur dosje në sirtar për t’i përdorur për interesa të caktuara.

“Disa nga temat kanë trazuar politikën në vend, madje kushdo i njeh edhe me numra dhe kjo nuk mund të jetë situatë normale.

Secili e di që janë mbajtur në sirtar për t’u përdorur për interesa të caktuara, por detyra është juaj është hetimi dhe zbardhja, këtë duhet ta bëni me cdo kusht. Ky është një organ hetimi dhe jo supermarket që cdo gjë ka cmim”, ka thënë Marku./CNA.al

 





Lajmet e fundit nga