E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Nën hetim për shpenzimet e udhëtimeve/ Edmond Islamaj "tërheq zvarrë" Vettingun

27 Mars 2019, 16:30, Aktualitet CNA

Prej 5 muajsh po zhvillohen seanca dëgjimore në Kolegjin e Posaçëm të Apelimit për gjyqtarin e Lartë, Edmond Islamaj. Me seancën e zhvilluar sot, ka shkuar në 11 numri i seancave të zhvilluara në Kolegjin e posaçëm të Apelimit ndaj Islamajt.

Islamaj u konfirmua në detyrë nga Komisioni i Pavarur i Kualifikimit, vendim ky që u apelua nga Komisioneri Publik në KPA. Seanca e parë është mbajtur me 12 nëntor të vitit të shkuar dhe që nga ajo ditë ka pasur shtyrje të njëpasnjëshme, për t?i dhënë kohë gjyqtarit që të paraqesë dokumentat që justifikojnë shpenzimet e udhëtimeve të tij jashtë vendit, për periudhën 1 janar 2004 deri në 1 janar 2008.

Por, pavarësisht kohës që i është dhënë në dispozicion, provat e paraqitura nga subjekti nuk kanë qenë konform kërkesave ligjore.

Gjatë seancës së fundit, me datë 26 mars, Islamaj prezantoi përpara trupit gjykues të Kolegjit, disa dokumente; si deklarata të dy organizatave ?Medusa? dhe ?Instituto per le Relazioni Italia-Albania, si edhe certifikatat e banimi në Xhenova dhe Milano të Italisë, për shtetasit Dritan Islamaj, Afërdita Brami, Astrit Domi si dhe Enkelejd Xoxe.

Sipas tij dokumentet ishin origjinale, por pa vulë apostile, për shkak se procedurat për këtë të fundit merrnin dhjetë ditë deri në dy javë kohë në shtetin fqinj.

Para KPA, Islamaj ka thënë, se janë në proces aktualisht dhe se mund t?i paraqesë në seancën e ardhshme. Pas një konsultimi që zgjati për më shumë se 30 minuta, KPA vendosi të shtyjë seancën deri me datë 17 prill, për t?i dhënë kohë subjektit të legalizojë dokumentet në Itali.

Komisioni i Pavarur i Kualifikimit në qershor të 2018-ës, rikonfirmoi në detyrë, gjyqtarin e Gjykatës së Lartë, Edmond Islamaj. Sipas hetimit të zhvilluar nga trupa gjykuese, e përbërë nga Suela Zhegu, Pamela Qirko dhe Genta Tafa, Islamaj doli i pastër në tre kriteret e përcaktuara me ligj.

Pas vendimit Islamaj, u shpreh se përgjegjshmëria shpërblehet.

Por, shpërblimi nuk i ka zgjatur shumë Islamajt. Pasi rreth një muaj vonë, Komisioneri Publik, ankimoi në Kolegjin e Posaçëm të Apelimit, vendimin për kthimin në detyrë të Islamajt.

Verifikimi i pasurisë nga KPK

Nga verifikimi i pasurisë ka rezultuar se Islamaj ka apartament banimi me sipërfaqe 81.57 m2 në Durrës, tokë arë 1000 m2 në Karpen, Kavajë, e blerë në vitin 2015. Ai gjithashtu ka një llogari bankare që prej vitit 2000, fillimisht me vlerë 5 mijë euro, ndërsa posedon edhe një llogari bankare të krijuar në vitin 2016 me gjendje 20 mijë euro.

Përpos këtyre, Islamaj rezulton se ka një autoveturë të vitit 2008, të blerë për shumën e 3 mijë eurove. Gjithashtu gjyqtari ka një depozitë të hapur në 2006-ën, me shumën e 12 mijë eurove.

Ndërkohë në pronësi të bashkëjetueses së tij janë gjetur dy garsoniere, në pronësi të pritshme, të përfituara nga pasuritë e babait të saj.

Islamaj ka një karrierë të gjatë në gjyqësorin shqiptar dhe para se të emërohej në Gjykatën e Lartë, ka mbajtur poste të ndryshme, përfshirë gjykatës i Shkallës së Parë, kryetar gjykate, kryeinspektor në Këshillin e Lartë të Drejtësisë, anëtar i Këshillit të Lartë të Drejtësisë, si dhe gjykatës Apeli./CNA.al

Deklarata e pasurisë për vitin 2003

Deklarata e pasurisë për vitin 2004

Deklarata e pasurisë për vitin 2005

Deklarata e pasurisë për vitin 2006

Deklarata e pasurisë për vitin 2007

Deklarata e pasurisë për vitin 2008

Deklarata e pasurisë për vitin 2009

Deklarata e pasurisë për vitin 2010

Deklarata e pasurisë për vitin 2011

Deklarata e pasurisë për vitin 2012

Deklarata e pasurisë për vitin 2013

Deklarata e pasurisë për vitin 2014