web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Gjykatës për protestuesit / Spaho: Rama së shpejti do të lërë karrigen

24 Mars 2019, 14:21, Aktualitet CNA

Sot, u zhvillua seanca gjyqësore për 6 të arrestuarit e protestës së fundit të Opozitës.

Pas kërkesës së Prokurorisë, Gjykata e Tiranës ka vendosur të lërë në burg tre nga gjashtë të arrestuarit.

Me vendim gjykate, në burg u lanët Mariglen Doçin, Dorian Protoduarin dhe Emiljan Mustafa, ndërsa 3 të tjerët, Jurgen Gjikola, Bledar Dollia dhe Arbër Kola u lanë në “arrest shtëpie”.

Në kohën që mbahej seanca, para gjykatës përveç familjarëve ndodheshin edhe  përfaqësues nga PD dhe LSI.

Pas vendimit të Gjykatës, për lënien e tre protestuesve në burg kanë reguar përfaqësuesit politik.

Sipas nënkryetarit të PD-së, Edmond Spaho, se tre qytetarët u lanë pa të drejtë në qeli.

“Për tre të ndaluar u vendos “arrest me burg” pa fakte dhe prova. Shqipëria është ndoshta i vetmi vend në Europë që burgos kur proteston për të drejtat e tua. Qëllimi i prokurorisë dhe gjykatës është të dalë në mbrojtje të mazhorancës me synim se do të trembë protestuesit në protestat e ardhshme që do të organizohen kundër kësaj qeverie dhe Edi Ramës”, ka thënë Spaho, duke shtuar se kur qytetarët përplasen me qeverinë fituesit janë qytetarët.

“Kështu do të ndodhë edhe me këtë mazhorancë dhe Edi Ramën, i cili shpejt do ta lërë karrigen e pushtetit”, ka thënë më tej Spaho./CNA.al





Lajmet e fundit nga