Kryemadhi zbulon lojën e fshehtë të opozitës me mandatet

24 Mars 2019, 12:14, Aktualitet CNA

Monika Kryemadhi, në një intevistë në televizionin lokal të Shkodrës, ?Shkodra Channel?, ka dhënë një deklaratë, e cila zbulon shumë për strategjinë e opozitës për djegien e mandateve.

Kryetarja e LSI-së, deklaron për Shkodra Channel ndër të tjera se ?mazhoranca u tregua arrogante me zëvendësimin e menjëhershëm të mandateve, duke shkelur të gjitha ligjet dhe Kushtetutën?.

Një deklaratë që tregon qartë se opozita ka pasur pritshmëri tjetër në lidhje me manovrën e tyre të fortë për dalje nga sistemi parlamentar.

Pritshmëri që sipas deklaratës së Kryemadhit, ka pasur një tjetër taktikë, ku opozita sipas gjasave ka pritur pas dorëzimit të mandateve në Kuvend, Gramoz Ruçi, të kthente shkresat tek Partia Demokratike për procedurë, duke i dhënë kohë më shumë Bashës e Kryemadhit të bëjnë politikë me presionin.

Qëndrimi i kryetares së LSI-së për Shkodra Channel bëhet më i qartë nëse do të lexohet edhe deklarata e Presidentit Ilir Meta, i cili tha se zëvendësimi i deputetëve nuk është i rregullt.

Meta tha se vetëm 82 deputetë janë të ligjshëm.

Në fakt, ky është një proces që ka dy pjesë: dorëheqjen e deputetit dhe zëvendësimin e tij sipas ligjit, duke respektuar listën pritëse të partive përkatëse të opozitës: PD dhe LSI.

Kuvendi menjëherë sapo ka marrë aktet e dorëheqjeve të deputetëve të opozitës, që u dorëzuan gjithë ceremonialitet pas protestës përpara Parlamentit, i ka përcjellë ata në Komisionin Qendror i Zgjedhjeve.

Ky institucion, ka nisur po menjëherë procedurën ligjore të rotacionit kushtetues, duke iu referuar kandidatët pritës.

Pikërisht këtu ndodhi efekti domino, kur kandidatë të PD-së dhe LSI-së në qarqe pranuan të marrin mandatin dhe procesi hyri në hulli normale.

Opozita nuk e pranoi këtë proces por s?kishte ç?të bënte; nuk mund të ndalte procesin dhe nisi presionin ndaj kandidatëve.

Rasti i Ligoraq Karamelos në Korçë, i cili u kërcënua tre herë është emblematik.

Ndërkohë, Monika Kryemadhi i dërgoi KQZ-së një shkresë, ku i quante deputetët rishtar të partisë së saj si ?jo përfaqësues?, ndërkohë që ata i kishte certifikuar pikërisht LSI-ja në zgjedhjet e 25 qershorit, kur i kishte dërguar në KQZ si kandidatë zyrtarë të saj.

Pra, opozita i ka hyrë një ?loje? ku ka menduar blofin, si në poker, kur edhe pse nuk ka letrën e duhur, ka tentuar të mbyllë dorën.

PD e LSI ka pritur që kundërshtari të impresionohet nga loja e ashpër dhe të tërhiqet. Por nuk ka ndodhur kështu, mazhoranca ka hapur letrat dhe ka vazhduar lojën.

Siç thotë edhe opozita shpesh herë, tani nuk ka kthim mbrapsht./Ylli Pata/