web counter
LEXO PA REKLAMA!

SHKARKO APP

App Store
Google Play

Përgjimet për dosjen "Babalja"/ PD sulmon Prokurorinë

24 Mars 2019, 11:38, Aktualitet CNA

Edhe sot Partia Demokratike ka pasur në vëmendje çështjen “Babalja”.

Pas audio-përgjimeve që u publikuan nga ish deputeti Ervin Salianji, sot, Sekretari për Çështjet Ligjore, Çlirim Gjata, ka thënë se organi i akuzës duhet të kishte marrë të pandehur deputetin Taulant Balla.

Sipas Gjatës, përveç Ballës, i pandehur duhej të ishte marrë edhe drejtori i policisë së shtetit Ardi Veliu dhe  ish-drejtori i policisë së Fierit.

“Pas publikimit të përgjimeve zyrtare Prokluroria duhet të merrte si të pandehur Taulant Ballën, Fatmir Xhafaj, Ardi Veliun, Albert Nushin, ky i fundit ka qenë drejtor deri para pak ditësh i drejtorisë së policisë Fier, dhe një sërë strukturash policore që kanë shërbyer për të manipuluar këtë ngjarje me qëllim shpëtimin e  pushtetit të Edi Ramës dhe dënimin e opozitës që denoncoi këtë aferë.Pushteti kriminal i Edi Ramës e sajoi dëshmitarin e rremë dhe e pagoi atë për të shpëtuar veten dhe për ta përdorur atë kundër opozitës.

Prokuroria në shkelje të ligjit nuk ka zbardhur me qëllim disa përgjime ku dëshmitari i sajuar flet për Taulant Ballën dhe drejtorinë e policisë së shtetit”, ka thënë Gjata në një konferencë për mediat./CNA.al





Lajmet e fundit nga