web counter
LEXO PA REKLAMA!

SHKARKO APP

App Store
Google Play

Çlirimi i Kosovës/ Majko kujton telefonatën e fundit para bombardimeve të NATO-s

24 Mars 2019, 08:15, Aktualitet CNA

Sot, shënohen 20 vjet nga fillimi i bombardimeve të NATO-s mbi ish-Jugosllavi.

Me 24 mars, 1999, NATO, përmes fushatës ajrore ndërpreu tragjedinë e popullit të Kosovës.

Fushata që i dha fund luftës në Kosovë, zgjati 78 ditë.  Ministri i Diasporës Pandeli Majko, ka hedhur në rrjetet sociale, kujtimet në prag bombardimesh.

“Sot, 20 vjet më parë? me një procedurë aspak të zakontë (me atë të ?heshtjes miratuese?) Sekretari i Përgjithshëm Solana dha lejen që forcat ajrore të NATO-s të godasin Forcat e Armatosura të Jugosllavisë së mbetur nën Serbinë e Millosheviçit.

Sot është përvjetori zyrtar i atij që u konsiderua konflikti më i rëndë në Europë pas Luftës së Dytë Botërore”, shkruan Majko në rrjetet sociale.

Më tej Majko flet me respekt për ndërkombëtarët dhe ata që dhanë jetën për Kosovën, duke kujtuar edhe telefonatën e fundit të bërë me ndërkombëtarët një ditë para nisjes së bombardimeve.
“Një kujtim me respekt për ata miq të mirë ndërkombëtarë që i qëndruan pranë interesave të popullit shqiptar! Për mua, ishte veç një telefonatë me shprehjen ?It is done!? dhe pastaj heshtja e ankthit?për të nesërmen e luftës. Lavdi të rënëve! Heshtja e tyre ka peshën e lirisë!”, shkruan Majko./CNA.al

 





Lajmet e fundit nga