web counter
LEXO PA REKLAMA!

SHKARKO APP

App Store
Google Play

Denoncimi/ Ja sa ka kushtuar Kongresi i Partisë Socialiste

23 Mars 2019, 21:50, Aktualitet CNA

Ditën e sotme u organizua Kongresi i Partisë Socialiste, ku morën pjesë rreth 8 mijë persona.

Gjatë këtyre dy ditëve është përfolur shumë edhe për shifrat marramendëse të shpenzimeve për organizimin e Kongresit.

Burime për Exit.al nga personat që merren me ofrimin e shërbimeve dhe në bazë të çmimeve të tregut ku me një llogaritje të thjeshtë aktiviteti ka kushtuar më shumë se gjysëm milion euro.

Sipas informacioneve marrja me qira e pajisjve të ndriçimit, fonisë dhe ekranëve ka kushtuar rreth 80-100 mijë euro. Qiraja e karrikeve të vendosura në shesh është konfirmuar se ka kushtuar 4 milionë lekë ose 32 mijë euro-qiraje e një karrike kushton 200-400 lekë në ditë, në varësi të llojit. Skena dhe të gjitha platformat ndihmëse kanë kushtuar rreth 30 mijë euro.

Prodhimi i spotit reklamues të aktivitetit dhe transmetimi i tij intensiv, prej tre ditësh, në të gjitha mediat e vendit është mësuar se ka kushtuar rreth 60-70 mijë euro.

Regjia, kamerat dhe transmetimi i sinjalit për televizionet gjatë ceremonisë kushton minimumi rreth 25 mijë euro, ndërkohë blerja e rreth 90 minutave kohë televizive për transmetimin e drejtpërdrejtë në televizionet e vendit kushton rreth 100-150 mijë euro?tarifa e transmetimit në televizionet informative luhatet nga 10-20 mijë euro për një orë transmetim ndërsa në ato kombëtare është rreth dy herë më e lartë).

Kostot e tjera kanë kushtuar rreth 50 mijë euro.

Me një llogaritje të thjeshtë kostoja e aktivitetit ka shkuar rreth 400-500 mijë euro.

Aktiviteti është paguar nga Partia Socialiste. Shpenzimet e larta të tij, janë prej burimeve të deklaruara zyrtarisht nga PS dhe sipas Exit.al është e sigurt që ajo nuk do të raportohet në deklarimet e saj.

 

 





Lajmet e fundit nga