web counter
LEXO PA REKLAMA!

SHKARKO APP

"Më vendosën thikën në kokë"/ Medani rrëfen përplasjen me grabitësit

24 Mars 2019, 12:05, Aktualitet CNA

Përparim Medani, pronari i banesës ka treguar çastet e kaluara gjatë natës së 22 Marsit, ku grabitësit i dhunuan dhe më pas i vodhën shtëpinë.

Ai dhe bashkëshortja e tij, Shaqe Medani u shprehën se ata i kanë kërcënuar me jetë me armë të ftohta.

Ata janë dhunuar në momentin, kur pronari ka refuzuar t’i japë çelsin e dhomës ku gjendeshin sasia e parave që grabitësit morën.

? Fillimisht 3 grabitësit u futën me forcë në shtëpi dhe filluan ta kontrollojnë atë. Më pas ata më drejtuan thikën duke ma vendosur në kokë. Na kërcënuan të mos lëvizim. Në duart e tyre gjendeshin tre thika dhe një shkop gome. Dhoma ku mbaja paratë ishte e kyçur.

Pasi refuzova t’u jap çelsin ata filluan të më godisnin me grushta. Më pas ata shqyen derën, i morën paratë dhe u larguan. Sapo ato u larguan bëra denoncimin në polici?-u shpreh ai .

Sot  dy autorët e ngjarjes janë të arrestuar dhe  një është shpallur në kërkim bashkëautori i tyre me inicialet H.M. Policia po punon për kapjen e tij./CNA.al





Lajmet e fundit nga