E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Veliaj rrezikon fitoren/ Pjesëmarrja në shesh dhe votat për Tiranën

23 Mars 2019, 15:37, Aktualitet CNA

Sheshi ?Nënë Tereza? në kryeqytet, aty ku Partia Socialiste mbajti sot Kongresin ishte shndërruar në një paradë karrigesh. Sipas kryebashkiakut të Tiranës, i cili u konfirmua dhe si kandidat PS për kryeqytetin, Erion Veliaj, në shesh ishin njëqind mijë karrige.

Por, edhe pse ishte mbledhur administrata nga i gjithë vendi CNA.al mësoi nga burime zyrtare në PS se në shesh kishte vetëm 9 800 karrige. Prej ditësh është denoncuar në rrjete sociale dhe media, se po ushtrohet presion dhe dhunë verbale ndaj punonjësve të administratës me qëllim që të ishin pjesë e mitingut të sotëm socialist. Por, edhe pas gjithë këtij presioni dhe për të treguar se sa shumë ishin, në shesh nuk pati më shumë se 10 mijë vetë, megjithse kishte shumë karrige bosh.

Karriget dhe votat

Veliaj kërkoi të tregonte sot forcën e tij në Tiranë dhe se fitoren e ka të sigurt, përballë një opozitë në një rrugë pa krye dhe pa kandidat. Por cili është realiteti i votave përballë karrigeve të Lalit?

Në zgjedhjet e fundit lokale në vitin 2017, janë 299.083 vota të vlefshme për kandidatët e Bashkisë Tiranë. Nga të cilat 160 mijë vota i ka Erion Veliaj dhe 116 mijë Halim Kosova. Për këshillat bashkiakë, janë 294 mijë vota të vlefshme. Pra rreth 300 mijë votues nga nga 608 mijë që ka lista e zgjedhësve të Tiranës marrin pjesë në votime. Ato 10 mijë karrige apo elektorat socialist nuk janë asgjë përballë malit të madh me vota të kryeqytetit. Janë thjesht disa përrenj ujë në lumin e votave.

Nga ana tjetër në rast se shikon me kujdes dhe lexon votat LSI në Tiranë ka rreth 54 mijë vota, të cilat janë gati 25 mijë më shumë se në vitin 2011 kur LSI ishte në koalicion me PD. Një stabilitet dhe rritje që u pasua edhe në 2017.

Erion Veliaj nuk e ka aq të sigurt sa kërkon ta shesë kryeqytetin. Megjithëse shfaqet si punëtor i madh, ka 4 vite konsumi dhe një kandidat i fortë nga opozita e bashkuar duke i shtuar dhe votat e PDIU në kryeqytet, mund ta thyejë simbolin e Rilindjes, djalin e Mjaft dhe G-99 Lali Veliaj. Në fakt me opozitën po ndodh e kundërta, ajo po punon për interes të Lali Erit, dihet dhe afeksikoni i madh që Kryemadhi dhe Ilir Meta kanë për kryebashkiakun e Tiranës, çka e vështirëson një betejë të vërtetë opozitare që mund të shëmbte Lalin sharlatan të Rilindjes./CNA.al