web counter
LEXO PA REKLAMA!

SHKARKO APP

App Store
Google Play

Karshillëk miliarderësh/ Ish-deputeti demokrat zbulon investitorin e mitingut të PS

23 Mars 2019, 16:45, Aktualitet CNA

Ish-deputeti i Partisë Demokratike, Gent Strazimiri, në një postim në rrjtetet sociale ka reaguar në lidhje me mitingun e zhvilluar sot në Tiranë, ku u shpall rikandidimi i Erion Veliajt për Bashkinë e Tiranës.

Strazimiri e ka quajtur këtë miting si karshillëk miliarderësh me investitor mjerimin.

Ish deputeti i është drejtuar popullit dhe sipas tij, secila karrige e përdorur janë të paguara nga populli dhe të gjithë individët që ai ka publikuar në foto të paktën e vjedh popullin prej 6 vitesh.

Më tej Strazimiri, shkruan se populli është investitori i sheshit të miliarderëve që i bëjnë karshillëk mjerimit të njerëzve.

Në mbyllje të shkrimit, Strazimiri  i ka bërë thirrje popullit të ngrihet dhe të fitojë lirinë.

Postimi i plotë i Strazimirit:

Karshillëk miliarderësh me “investitor” … mjerimin!
Secila prej karrigeve të shtruara në shesh sot, është paguar prej teje;
Secili prej individëve në foto, të vjedh të paktën prej 6 vitesh, sipas pozicionit që ka në shesh… nga radha e parë ku i sheh dhe dhëmbin e krimbur, e deri tek e fundit ku nuk i sheh as fytyrën;
Secila prej karrigeve e individëve që zënë qoftë edhe 1 m2 në atë shesh, mbahet prej teje, prej pareve që të mungojnë pak nga pak çdo ditë:
-tek zarzavatet, mishi, bulmeti, dritat, uji, rroga e pensioni që s’rritet, çmimet, taksat, tatimet…gjobat që vetëm rriten!
KRENOHU!
Ti je “INVESTITORI” i këtij sheshi miliardash e miliarderësh që i bëjnë karshillëk mjerimit tënd!!!
#liria_nuk_shitet
#meritoje_lirinë
#ngrehuni_dhe_bjeruni./CNA.al





Lajmet e fundit nga