web counter
LEXO PA REKLAMA!

SHKARKO APP

App Store
Google Play

"Ti nuk guxon të shkelësh në Shkodër"/ Ish-deputeti demokrat kërcënon Ramën

23 Mars 2019, 16:36, Aktualitet CNA

Pas deklaratës së kryeministrit Edi Rama, se e ka të sigurtë fitoren në zgjedhjet lokale dhe jo vetëm, kanë ardhur reagime nga Partia Demokratike.

Ish-deputeti demokrat Bardh Spahija, ka sfiduar Ramën, duke iu thënë, “hajde, provoje Shkodrën”.

“Hajde provoje Shkodrën Edi Rama! U emocionua aq shumë kryeministri që administrata iu përgjigj si spektatore shfaqjes së tij, pasi i kërcënoi me vendet e punës, sa filloi të ëndërronte Enverin që i “fitonte” zgjedhjet me 100%, kur populli burgosej e vuante për bukën e gojës. I ka mbet nakel Shkodra e ëndërron ta fitojë edhe pse vetë nuk guxon të shkelë aty. Shkodrën e cila e urren njëlloj si atin e tij shpirtëror, e prandaj i ka mbyllur investimet”, ka shkruar ai.

Sipas Bardhit, Rama e di mirë se Shkodra e flak atë dhe përfaqësuesit e tij, njëlloj si kriminelët me të cilët bleu vota e që ia kapin për hunde deputetët e tij, edhe pse përgjimet e atyre komunikimeve i ka strukur thellë në sirtarët e prokurorisë.

“Por Shkodra nuk harron dhe e di mirë se çfarë përfaqëson ti Edi Rama. Do të të japë përgjigjen e merituar në zgjedhje si çdo herë, prandaj ti nuk guxon të shkelësh aty, por krekosesh si gjeli majë plehut të zullumeve të tua, nga Tirana. Eja e provoje.

Do të të tregojë vendin, sepse krenarinë nuk ia përkuli dot as ati yt shpirtëror gjakatar e nuk ka shanse ta bëjë një pinjoll i sëmure si ty. Një këshillë si mjek: kombinimi i ilaçeve me substanca të tjera e nën temperatura të larta, rrezikon të të “zhdukë” serish nga skena e shfaqjeve, që aq shumë i ke për zemër! Ta harrosh Shkodrën Edi Rama. Të jesh realist, të bën mirë për shëndetin”, përfundon ish-deputeti Spahija./CNA.al





Lajmet e fundit nga