web counter
LEXO PA REKLAMA!

SHKARKO APP

App Store
Google Play

Priten zhvillime të reja/ Rihapet dosja e masakrës së Peshkëpisë

20 Mars 2019, 20:11, Aktualitet CNA

Pas kalimit të gati dy dekadave e gjysëm është rihapur sërish dosja për masakrën e Peshkëpisë, ngjarjes më të rendë kriminale të ndodhur në 10 Prill 1994 në pikën kufitare të Peshkëpisë, Gjirokastër. Ku një komandë terroriste greke sulmoi kapanonin ku strehoheshin ushtarakët shqiptarë të ruajtjes së kufirit duke lenë të vrarë, komandantin e nënrepartit, Fatmir Shehu dhe ushtarin Arsen Gjini, që të dy ?Dëshmorët e Atdheut?.

Përveç bujës që bëri në shtypin e kohës dhe zërit të mekur, me të cilin e përcollën indinjatën institucionet shtetërore, masakra nuk u hetua asnjëherë nga autoritetet,duke u varrosur për gati çerek shekulli.
Për tu rihapur tashmë, duke pritur të sjellë zhvillime të reja. Por pse u rihap pikërisht tani kjo dosje?

Nga tryeza e emisionit “Repolitix” gazetari i “GSH”, Elton Qyno, shpjegon se kanë qenë disa informacione të Drejtorisë së Antiterrorit që kanë sjellë rikthimin në hetim të dosjes.

“Ka qenë një informacion i drejtorisë së Antiterrorit që solli hapjen e kësaj dosje. Këta oficerë kanë referuar materialet në prokurori dhe kanë kërkuar rihapjen e çështjes, pasi konstatuan se dosja kishte mangësi. Momentalisht nuk ka asnjë fajtor, asnjë i arrestuar. Ushtarët që kanë qenë janë pyetur dhe nuk u është dërguar asnjë letër porosi grekëve. Nuk ka pasur asnjë bashkëpunim mes dy shteteve për informacion për zbardhjen e kësaj çështje. Organizata “MAVI” që morri përsipër sulmin ndaj pikës së kufirit shqiptar njihet si terroriste edhe në Greqi, por dëmin e ka bërë në Shqipëri,”- tha Qyno/CNA.AL.





Lajmet e fundit nga