web counter
LEXO PA REKLAMA!

SHKARKO APP

App Store
Google Play

Vrasja tek Liqeni/ Vetëdorëzohet në polici autori

20 Mars 2019, 19:46, Aktualitet CNA

Vrasja e 62 vjeçarit Haxhi Baçinozi, në sy të djalit të tij tronditi qytetin e Tiranës disa ditë më përpara.

Baçinozi ka qenë duke vrapuar pranë Liqenit Artificial në kryeqytet, së bashku me djalin e tij, kur është qëlluar me armë nga një person.

Policia arriti të identifikonte autorin Islam Mylkaj, i cili u shpall në kërkim.

Dëshmitari kryesor për identifikimin e autorit ishte djali i viktimës, kurse u mësua se motivi që ka çuar në vrasje ka qenë një borxh i pashlyer.

Policia e Tiranës arrestoi para disa kohësh shtetasin Myftar Pasha, shok me autorin, i cili akuzohet për moskallëzimin e krimit.

Para pak çastesh është vetëdorëzuar në polici edhe autori Islam Mylkaj.

Njoftimi i policisë:

Tiranë

Pas një pune të mirëfilltë hetimore dhe profesionale, të bërë nga grupi i posaçëm hetimor i ngritur në Drejtorinë Vendore të Policisë Tiranë, në drejtimin e Departamentit të Policisë Kriminale në Policinë e Shtetit, për zbardhjen e vrasjes së ndodhur më datë 16 mars 2019, rreth orës 18:15, tek Liqeni Artificial, ku mbeti i vrarë me armë zjarri, shtetasi H. B., 62 vjeç, u bë e mundur zbardhja e ngjarjes dhe dokumentimi me prova ligjore i autorësisë së kësaj ngjarje.

Pas trysnisë së madhe të ushtruar nga Policia e Tiranës, kontrolleve të shumta për kapjen e autorit, si dhe negociatave të bëra mes Policisë dhe avokatit të autorit të dyshuar, autori i dyshuar, shtetasi I. M., 61 vjeç, nga Fieri, rreth orës 19.30 është vetëdorëzuar në Drejtorinë Vendore të Policisë Tiranë i shoqëruar nga avokati i tij.

Në bashkëpunim me Prokurorinë vijojnë veprimet e mëtejshme proceduriale.

/CNA.al





Lajmet e fundit nga