E fundit!

13:34 Kosova & Bota

Shkatërrimet nga tërmetet në Venezuelë/ Vendet evropiane ofrojnë ndihmë dhe avionë transporti

Shtetet e Bashkuara të Amerikës, Kinë, Kili dhe vende të t...

Basha dështon në PPE/ Asnjë fjalë për djegien e mandateve

20 Mars 2019, 19:40, Aktualitet CNA

Ashtu siç CNA.al, paralajmëroi, një ditë më parë, kreu i Partisë Demokratike, Lulzim Basha, ka braktisur protestën, që do të zhvillojë ditën e nesërme opozita përballë Parlamentit.

Basha nuk do të paraqitet as në Prokurori, e cila e ka thërritur atë ditën e nesërme, por ka shkuar në Bruksel në Asamblenë e Partive Popullore Europiane

Sot, në një njoftim të bërë prej tij në rrjetet sociale, Lulzim Basha, thotë se ka takuar kryetaren e re të CDU-së Znj. Annegret Kramp-Karrenbaue me të cilën thekson se ka pasur një takim të përzemërt.

Në fakt, nga fotot që ka publikuar vetë Basha, duket qartë se takimi është zhvilluar në prani të personave të tjerë, pra një takim në prezencë të një grupi njerëzish. Nuk ka pasur asnjë takim zyrtar të Lulzim Bashës, me kryetaren e re të CDU-së, apo pretendenten për Kancelaren e nesërme të Gjermanisë.

Nga ana tjetër, në njoftimin e shpërndarë nga Partia Demokratike, thuhet se ka pasur thjeshtë një takim dhe nuk ka asnjë fjalë për mbështetjen që CDU, apo Kristiandemokratët gjermanë, i japin Lulzim Bashës dhe Partisë Demokratike, pas aktit të tij të fundit për djegien e mandateve.

Më tej, në deklaratën e Lulzim Bashës, të shpërndarë nga Zyra e Shtypit të PD-së, nuk ka asnjë fjalë për këtë akt politik të kryer nga kreu i PD-së, në bashkëpunim me LSI-në dhe aleatët e tjerë.

Mesa duket dështimi i Bashës tek Partitë Popullore Europiane është tashmë një fakt i kryer. Ashtu si CNA.al e kishte paralajmaruar: kreu i PD-së është tashmë i ngrirë dhe thuajse totalisht i izoluar nga partitë simotra europiane, të cilat kundërshtojnë dhe këmbëngulin fort kundër aktit të djegies së mandateve. Akt të cilin e quajtën një hap ekstrem dhe të pajustifikuar që e nxirrte Partinë Demokratike jashtë sistemit politik dhe demokracisë në vend.

Sot këtë leksion duket se ia ka dhënë qartë braktisja dhe indiferentizmi që i kanë bërë krerët më të mëdhenj të Partive Popullore Europiane, apo partitë simotra, të cilët, nuk kanë pranuar në asnjë rast të kenë një takim kokë më kokë, apo të diskutojnë për djegien e mandateve, nga ana e PD-së, gjë të cilën edhe vetë Lulzim Basha nuk ka mundur ta shpërndajë në njotimin e tij për mediat./CNA.al

E thërret prokuroria/ Basha ?arratiset? në Bruksel, braktis protestën