Taulant Balla komenton vendimin e gjykatës amerikane për Gërdecin

17 Mars 2019, 20:26, Aktualitet CNA

Kreu i Grupit parlamentar i PS-së, Taulant Balla në një postim në rrjetet sociale ka bërë publik vendimin e Gjykatës së Floridës për rihapjen e çështjes së Gërdecit.

Sipas Ballës, Gjykata Amerikane po fundos berishët pasi, në vendimine gjykatës përmendet djali i ish-kryeministrit Sali Berisha, Shkëlzen Berisha.

Balla shkruan se vendimi ka hedhur poshtë pretendimet e Shkëlzen Berishës për mospërfshirje të tij në këtë ngjarje.

Më tej kreu i Grupit Parlamentar socialist ka paralajmëruar duke shkruar se kush mendon se drejtësia harron e ka gabim.

Postimi i plotë i Ballës:

Gjykata Amerikane fundos berishët! Rihap Gërdecin.

Gjykata Amerikane e Distriktit Jugor të Floridës vendosi 11 vite pas 15 Marsit 2008 ri-hapjen e krimit shtetëror të Gërdecit, duke hedhur poshtë alibitë e berishëve. Gjykata e Floridës ka arsyetuar se Shkëlzen Berisha nuk shkoi kurrë para drejtësisë për Gërdecin dhe se drejtësia në Shqipëri deri më tani është mjaftuar vetëm me burgun e peshqve të vegjël.

Është një akt juridik, indicie e pakontestueshme për SPAK, ky vendim gjykate për të rihapur hetimin mbi rolin e Shkëlzen Sali Berishës në dy aferat e mëdha të Gërdecit, atë të demontimit dhe atë të trafikut të armëve, dy histori ku ky ka vepruar me të njëjtin grup pune. Provat janë pa fund dhe shumë më tepër se ato që i kanë mjaftuar Gjykatës e Floridës.

Drejtësia amerikane ka hedhur tashmë poshtë pretendimet e berishëve duke pushuar çështjen që Shkzëlen Berisha ka ngritur ndaj autorit amerikan Guy Laëson, autor i librit për Gërdecin ?Arms and the Dudes?.

Vendimi është bërë publik në këtë 11 vjetor të tragjedisë së Gërdecit dhe në argumentet e saj Gjykata hedh poshtë pretendimet e Shkëlzen Berishës se ai nuk është i përfshirë në këtë veprimtari, duke ju referuar fakteve dhe inevstigimeve të mediave më të rëndëdsishme botërore si Neë York Times, dokumentari i televizionit Al Jazeera-s, mediave shqiptare dhe pasuron dhe më tej akuzat ndaj tij duke ju referuar librit të Laëson, i cili ka dëshminë e vajzës së Kosta Trebickës, e cila e konsideron Shkëlzenin një vrasës të mundshëm të babait të saj. Gjykata ka përshkruar në vendimin e saj historinë e shkurtër të bizinesit të trafkut të armëve nga Shqipëria në të cilën është i përfshirë Shkëlzen Sali Berisha.

Kush mendon se drejtësia harron, e ka gabim!

Gjykata amerikane konfirmoi akuzat e shqiptarëve, të disa mediave shqiptare, të miat, të Erjon Braçes dhe kolegëve të tjerë./CNA.al