Skandali me ilaçet e skaduara/ Kush po i mbron trafikantët e mjekësisë?

17 Mars 2019, 15:08, Aktualitet CNA

Në rrjete sociale dhe në media është denoncuar masivisht mashtrimi me produktet e skaduara farmaceutike.

Ishte fillimisht rrjeti social “Lolita”, që nëpërmjet një videoje,denoncoi skandalin, ku tregohej sesi i fshihet data e skadencës një antigripali të reklamuar fort në media. Bëhet fjalë për medikamentin e quajtur “Oledro Hot”.

Më pas doli ish-Kryeministri Sali Berisha, i cili hodhi akuza të rënda ndaj Qeverisë.

“Ja, çfarë ndodh me ilaçet që hyjnë në shtetin e kakistrokracisë së Ervinit. Data e skadencës fshihet plotësisht me një pambuk me raki. Tmerr se çfarë blejnë të sëmurët në farmaci”, -shkruante Berisha në rrjete sociale.

Por, më vonë Berisha e ka hequr postimin. Pyetja shtrohet se çfarë ndodhi që e detyroi ish-kryeministrin të hiqte postimin ku akuzonte Qeverinë për ilaçet e skaduara?

Pas qëndrimit të tij denoncues mijëra e mijëra denocues në rrjetet sociale kërkonin që të hetohet kompania apo personi që i sjell këto produkte në treg, dhe insitutcionet të bëjnë detyrën e tyre. Mirëpo edhe pas kësaj ka një heshtje totale.

Si vlerësim të protestës masive duhej që, minimialisht, produkti “Oledro Hot”, të ishte bllokuar e të çohej për analiza dhe kontroll që në momentin kur u denoncua nga “Lolita”.

Por cfare rezulton? Çuditërisht personi që ka hedhur në treg produktin “Oledro Hot” është Nadir Çausholli, i “Omega Farma”, i dënuar më parë, por i nxjerrë i pafajshëm nga drejtësia jonë skandaloze dhe e korruptuar.

Kujtojmë se Nadir Çausholli u arrestua në vitin 2015, pasi Prokuroria e Tiranës e akuzoi për përvetësimin e 2.2 milion eurove. Në Prill 2016, institucion i akuzës së kryeqytetit përfundoi hetimet për skemën mashtruese me ilaçet, të njohur si ?Farmacitë 2?, për të cilën u morën të pandehur administratori i ?Omega Pharma?, Nadir Çausholli, si edhe tre punonjës të kësaj kompanie, që akuzoheshin se kishin përfituar në mënyrë të paligjshme më shumë se 2 milion euro, nëpërmjet faturave fiktive.

Nadir Çausholli u lirua nga burgu në Dhjetor të vitit 2016, në kohën që ai ishte ende në proces gjyqësor në Gjykatën e Tiranës. Kjo e fundit e dënoi Çaushollin me 2 vjet e 6 muaj burgim, duke vendosur njëkohësisht edhe pezullimin e dënimit me burgim për pjesën e mbetur./CNA.al

Video-Skandali me ?Oledro hot?/ Si i fshihet data e skadencës