E fundit!

07:36 Ekonomi

Auditorët e BE: Projektet e transportit në Shqipëri dhe Ballkan, të ngadalta dhe të pambikëqyrura

Shqipëria, së bashku me vendet e tjera të Ballkanit Perënd...

Nga Indrit Vokshi/ PS-ja është parti e fshatarëve

17 Mars 2019, 14:14, Aktualitet CNA

Ja tua shpjegoj se pse.

Po të bëjmë një studim mbi historinë dhe karakterisikat e partive politike në Shqipëri do na rezultojë se Partia Socialiste është partia e fshatarëve. Zyrtarisht partia e fshatarëve.

Nuk e them ketë për t’i fyer sepse unë nuk jam nga ata njerëz që të qenit nga fshati ia konsideroj minus dikujt. Por meqenëse janë shfaqur disa veremlinj nga bashkia e Tiranës dhe plot snobë të tjerë të cilët ardhjen e protestuesve nga rrethet e quajnë marshim të katundarëve, dua tiu them diçka.

E majta shqiptare e përfaqësuar nga Partia Komuniste-Partia e Punës e cila pas qershorit 1991 u bë Partia Socialiate, zyrtarisht në historinë e saj ka pranuar dhe ka qenë krenare se kjo parti përbëhet nga; “kllasa punëtore”, “fshatarësia koperativiste” dhe “inteligjenca socialiste”.

Kllasa punëtore me fshatarësinë quhen kllasa mike, ndërsa inteligjenca socialiste quhej pararojë e dy të parave. Këto tre kllasa ishin kllasa armike me bejlerët e agallarët, ngaqë mbanin anën e fshatarit përballë beut dhe ishin armike me borgjezinë qytetare sepse mbanin anën e punëtorit përballë borgjezit.

E gjithë trashëgimia e tyre është fshatare; bujq dhe teneqexhinj. Nuk janë as bij bejlerësh e as borgjezi qytetare. Janë fshatarë të cilët partia i pruni në Tiranë dhe i strehoi nëpër pallate dhe shpia të zaptuara të tiranasve me qëllim për ta dominuar kryeqytetin edhe nga ana numerike e demografike.

Po t’i pyesësh nga je dalin nga ndonjë vend i humbun ku nuk shkohet as me kal ose nga ndonjë vend kot. Unë se kam ditur se ekziston Tërpani i Urës Vajgurore deri kur u shfaq Erion Veliaj i cili është prej këtij vendi.

Ta sqarojmë; nuk ka problem pse janë bij e bija fahatarësh, se fshati është i bukur. Problemi lind kur duan të duken superiorë duke sharë të tjerët fshatarë.

Pse ndodh kjo? E kanë kompleks origjinën. Kur marshojnë fshatarë në protesta këta i kap tmerri sepse në mënyrë primordiale iu kujtohet origjina, iu kujtohet varfëria e afërt dhe nisin shajnë fshatarët si tentativë për ta mposhtur tmerrin që i kap. Është si të kenë kryer një vepër të turpshme dikur, kanë vendosur ta harrojnë dhe ti ua kujton; ata sikletosen keq e pavetëdijshëm sa nisin e shajnë me qëllim për ta harruar. Këta janë superiorët. Njerëz të cilët po vuajnë duke vrapuar për t’i ikur dhe shpëtuar origjinës së tyre, origjinë e cila iu prish imazhin që duan të ndërtojnë për veten.

Gajret bijë dhe bija, shokë dhe shoqe, gajret.