web counter
LEXO PA REKLAMA!

SHKARKO APP

App Store
Google Play

Dështon djegia e mandateve/ LSI gati grupin parlamentar

13 Mars 2019, 10:05, Aktualitet CNA

Lëvizja Socialiste për Integrim, në zgjedhjet e qershorit 2017, pas një fushate të fortë dhe përplasjeve me Bashën e Ramën, mori 19 mandate deputetësh.

Ndërkohë, rreth një muaj më parë vendosi të djegë mandatet, në shenjë proteste ndaj qeverisë, por duket se Kryemadhit po i del situata jashtë kontrollit, pasi LSI tashmë pothuajse e ka gati grupin e ri parlamentar.

Dy prej tyre, konkretisht Robert Bitri, i larguar kohë më parë dhe Lefter Koka nuk pranuan të djegin mandatet. Nga ana tjetër kanë pranuar të marrin mandatin, rreth 9 kandidatë në listat pritëse, por ndërkohë pritet që mandatin ta pranojnë edhe të tjerë kandidatë dhe LSI pritet të jetë e plotë në parlament.

Ndërkohë që në seancën e javës së kaluar në parlament bënë betimin katër deputetë të rinj, të zgjedhur nga lista e Lëvizjes Socialiste për Integrim, Edmond Rrushaj, Aurora Mara, Ylli Shehu dhe Enver Roshi, sot bënë betimin në parlament edhe Elda Hoti, Erdiola Braha  dhe Edlira Hysenit.

Ndërkohë, janë edhe Ralf Gjoni dhe Nimet Musai, të cilët kanë dorëzuar në KQZ formularin e dekriminalizimit, duke pranuar kështu të marrin mandatet.

Së bashku me Lefter Kokën, i cili doli kundër djegies së mandateve, bëhen 10 deputetë të LSI-së në parlament, ndërkohë që të tjerë kandidatë në listat pasuese pritet të pranojnë mandatin.

Pra, të 19 vendet e lëna bosh nga LSI-ja në parlament, pritet të plotësohen, çka do ta bëntë që kauza e djegies së mandateve të binte poshtë dhe të kthehet në qesharak, sepse duket që ishte një vendim personal i Monikës dhe jo i konsultuar me strukturat gjë që e tregon edhe ?rrëmbimi? me shpejtësi i mandateve./CNA.al

Si po shkërmoqet LSI-ja/ Kryemadhi me gisht ?në gojë?

LSI gati grupin parlamentar/ Ja deputetët e rinj të Kuvendit

Lefter Koka kundër Monika Kryemadhit/ “LSI nuk është Luli”





Lajmet e fundit nga