“Infektohet” edhe Mimi Kodheli/ Ish-ministrja kapet në plagjiaturë

13 Mars 2019, 08:26, Aktualitet CNA

Ndërkohë që shumë nga politikanët apo figura të njohura në Shqipëri janë kapur duke kopjuar punimet shkencore të të tjerëve, duke se plagjiaturës nuk i ka shpëtuar as ish-ministrja e Mbrojtjes Mimi Kodheli.

Studiuesi Vladimir Kola, i cili ka denoncuar këte fenomen, në një postim në rrjetet sociale, shkruan se 60% e punimit shkencor të Mimi Kodhelit, është plagjiaturë.

Sipas tij, në punimin shkencor, i shkruar nga Mimi Kodheli, korrik 2008, janë kopjuar pak a shumë 24 faqe ose pak a shumë 60% e tekstit total, nga studimi me titull ?Issues in adopting inflation targeting in Albania revisited?, me autorë Erjon Luçi dhe Fatos Ibrahimi, i prezantuar në seminarin ?Monetary Policy Transmission And Inflation Modelling Seminar?, dhjetor 2007.

Postimi i plotë:

MIMI KODHELI 24 FAQE OSE 60% PUNIM SHKENCOR ME PLAGJIATURË

Zbulimi dhe analiza e plagjiaturës së punimit shkencor me titull ?Reasons that pushed Albania to Inflation targeting?, i shkruar nga Mimi Kodheli, korrik 2008.

Në punimin shkencor në fjalë, janë kopjuar pak a shumë 24 faqe ose pak a shumë 60% e tekstit total, nga studimi me titull ?Issues in adopting inflation targeting in Albania revisited?, me autorë Erjon Luçi dhe Fatos Ibrahimi, i prezantuar në seminarin ?Monetary Policy Transmission And Inflation Modelling Seminar?, dhjetor 2007.

Punimi shkencor i shkruar nga Mimi Kodheli, në vitin 2008, gjendet në internet në këtë adresë:

http://leonardo3.dse.univr.it/phd/documents/seminars/PhD%202007-08/inflation_targeting_-verona.pdf

Ndërsa studimi i shkruar nga Erjon Luçi dhe Fatos Ibrahimi, në vitin 2007, gjendet në këtë adresë:

http://citeseerx.ist.psu.edu/viewdoc/download?doi=10.1.1.549.7263&rep=rep1&type=pdf

Në punimin e saj shkencor, zonja M. Kodheli, nuk e ka referuar apo cituar në tekst, as nuk e ka listuar në fund te literatura e konsultuar, studimin e shkruar nga E. Luçi dhe F. Ibrahimi (një artikull me autorë Luçi dhe Ibrahimi, i vitit 2005, është listuar te literatura e konsultuar).

Gjithsesi, edhe nëse Kodheli do ta kishte referuar, do të konsiderohej përsëri plagjiaturë, duke qenë se është kopjuar një përqindje shumë e lartë, që siç e thashë më sipër është rreth 60% e tekstit total të shkrimit të saj shkencor (është për t?u vënë në dukje se, te pjesa ?Modeling and Forecasting?, ku listohen katër faktorë të ndryshëm, numrat arabë 1, 2, 3, 4 te studimi origjinal, janë zëvendësuar me numrat romakë I, II, III, IV, te studimi i kopjuar).

Duke qenë se data e punimit shkencor (7 korrik 2008) të zonjës Kodheli nuk është e vendosur në tekst, atë e gjeni te kjo adresë interneti:

http://dse.univr.it/phd/index.php?option=com_facileforms&Itemid=-1&ff_name=GradsDisplay&ff_frame=0&ff_border=0&ff_param_id=51

Në fund desha të vë në dukje se më datën 7 mars 2019, në faqen e saj në Facebook, Mimi Kodheli ka vendosur një Fletë-Lavdërimi, të skanuar, të klasës së pestë.

Fletë-Lavdërimin në fjalë e gjeni në internet, në këtë adresë:

https://www.facebook.com/kodheli.mimi/photos/pb.496945220388823.-2207520000.1552436998./2110869225663073/?type=3&theater

Shumë mirë ka bërë zonja Kodheli që e ka vendosur, por nëse Fletë-Lavdërimin e ka vendosur si sfidë për plagjiaturën e doktoraturës që e zbulova unë dhe që e publikoi Taulant Muka në faqen e tij në Facebook, më 10 dhjetor 2018, mund të them se zbulimet e plagjiaturave të tjera të bëra publike dhe zbulimi i plagjiaturës së sotme, e konfirmojnë se edhe plagjiatura e parë e zonjës Kodheli nuk ishte denoncim pa bazë. Gjithsesi, surprizat nuk kanë mbaruar.

Një kërkesë për gazetarët: nëse e merrni lajmin, mirë do të ishte që të vendosni edhe adresën e burimit origjinal (link), në mënyrë që t’i jepni mundësi lexuesit të shohë direkt analizën edhe te burimi origjinal. Gjithashtu, kujdes kur merrni adresat e artikujve (link)! Merrini duke shkuar në sit, pasi të keni klikuar në link, sepse nga Facebook, shumë herë adresa nuk del e plotë.

Më poshtë po vendos krahasimin e teksteve: