web counter
LEXO PA REKLAMA!

SHKARKO APP

App Store
Google Play

Vijon “furtuna” në Polici/ Ja ndryshimi i radhës

12 Mars 2019, 07:51, Aktualitet CNA

Drejtoresha Rajonale e Kufirit dhe Migracionit në Durrës, Lindita Nushi është shkarkuar nga detyra, të cilën e mbante që prej majit të vitit 2017.

Vendimi për shkarkimin e saj nga detyra vjen disa dita pas arrestimit të gjashtë kontrollorëve  në Kufirin e qytetit bregdetar.

Këta të fundit u lanë të lirë nga gjykata pas arrestimit, ndërsa dyshohet të jenë përfshirë në skema ryshfeti gjatë kohës që ushtronin kontrollet në kufi.

Kujtojmë këtu se ditët e fundit, ndryshime u bënë edhe në drejtoritë e policisë, në Tiranë, Fier, Vlorë dhe Durrës.

Edmond Rizai është emëruar në krye të Policisë së Tiranës, duke zëvendësuar  Kastriot Skenderajn.

Drejtori i Policisë së Fierit, Albert Nushi, është  komanduar nëndrejtor për Rendin në Policinë e qytetit të Elbasanit, ndërsa në vend të tij është emëruar Andon Duka, i cili mbante postin e zv.drejtorit të policisë në këtë qark.

Në krye të Policisë së Vlorës është emëruar Artion Duka, duke zëvendësuar kështu Gentjan Shehajn.

Ndërsa në Durrës, është planifikuar për Drejtor Qarku Ilia Nasin, i cili mban mbi supe një karrierë të gjatë mes rradhëve të policisë dhe hetimit të krimeve në vend./CNA.al

“Furtunë” në kupolën e Policisë/ CNA.al paralajmëroi lëvizjet, një muaj më parë





Lajmet e fundit nga