web counter
LEXO PA REKLAMA!

SHKARKO APP

App Store
Google Play

Kriza e pandalshme politike/ Mësoni kush e ka ligjëruar

11 Mars 2019, 20:54, Aktualitet CNA

Kriza aktuale nuk është sporadike, por vijim i gjithë situatës që ka përjetuar vendi pas vitit 2008. Vit pas të cilit riciklimi permanent i krizave do të ligjërohej nga marrëveshja midis dy liderëve të PS-PD të asaj kohe, të cilët, për interes të sundimit individual, nënshkruan marrëveshjen që bënte “sulltan” kryetarët e partive.

Në diskutimin e temës “A po mbërrihet te zgjedhjet e parakohshme?”, në TV “Ora News”, historiani dhe ish ministri i Jashtëm në qeverinë socialiste, Paskal Milo, ka vlerësuar se:

“Sigurisht nuk them ndonjë gjë të re po të përsëris se situata e krizës aktuale është e paprecedentë, por para se të them se është e paprecedentë,po theksoj se këtë fenomen e kanë gatuar dy partitë e mëdha politike, me ndryshimet dramatike që i bënë Kushtetutës dhe Kodit Zgjedhor të vitit 2008.

Kjo është shfaqja më tipike e atyre ndryshimeve të paprecedenta dhe që prodhojnë sot situata të paprecedenta. Nëse PS dhe PD duhet të japin zgjidhje afatgjatë dhe të mos riciklojnë kriza të tmerrshme duhet t’i kthehen asaj nate të gjatë të prillit të vitit 2008, ku si dele përjashto 7 deputetë, të tjerët votuan kokëulur”./CNA.al





Lajmet e fundit nga