E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Raporti i DIA-s/ Mafia shqiptare dhe nigeriane, më agresive se ajo italiane

11 Mars 2019, 18:43, Aktualitet CNA

Krimi i organizuar shqiptar dhe nigerian janë ndër më aktivët, më agresivët dhe të degëzuara në Itali. Ky është ajo që del nga raporti i fundit i DIA-s për vitin 2018.

Gazeta italiane ?Il Giornale.it? i ka kushtuar një artikull mafias shqiptare në shtetin fqinj, ku duke ju referuar raportit të mësipërm paralajmëron edhe praninë e mafias nigeriane.

Mafia shqiptare në vend, që krenohet me marrëveshje me krimin kalabrez të organizuar (struktura e brendshme e të cilit është shumë i ngjashëm me atë të Ndragetës), por edhe me atë të Pulias, deri në pikën e të qenit importuesit e parë të marihuanës dhe heroinës, si dhe mbulojnë 12% të ofertës për prostitucion.

Sidomos rrjeti i prostitucionit ka përfituar në veçanti nga liberalizimi i vizave në zonën Shengen për shtetasit shqiptarë dhe tani shumë vajza të destinuara për prostitucion, janë në gjendje të hyjnë në Itali si turistë të thjeshtë.

Rekrutimi i vazhdueshëm i lojtarëve të rinj të mafias shqiptare tregon një kapacitet të qartë për rinovimin e radhëve të saj, ndërsa strukturat, gjithnjë e më të dhunshme, shpesh janë të përshtatshme jo vetëm për qëllime kriminale, por edhe për zgjidhjen e mosmarrëveshjeve dhe kontesteve ndërmjet grupeve rivale. Mafia shqiptare gjithashtu është shumë aktive në Gjermani dhe Britani, ku më 19 Janar, gazeta britanike ?The Guardian? nëpërmjet një publikini të titulluar “Mbretërit?e kokainës”, tregonte se si mafia shqiptare ka marrë kontrollin e trafikut të lëndëve narkotike në Britaninë e Madhe.

Sa për krimin e organizuar, lidhur me vëllazërinë nigeriane, ajo është shfaqur në disa raste në lidhje me trafikimin e emigrantëve nga Libia, në veçanti grave dhe të rinjve për prostitucion.

Kjo është java e operacionit të fundit të anti-mafias në koordinim me Prokurorinë Publike Catania, e cila çoi në arrestimin e tre shtetasve nigerian, me akuzën për shfrytëzimin e prostitucionit dhe lehtësimin e emigracionit të paligjshëm.

Siç ilustron Mauro Indelicato, i cili e ka ndjekur nga afër hetimin, dorëshkrimi është gjithmonë i njëjtë: shumë vajza rekrutohen në vendin afrikan, duke u premtuar atyre kushte më të mira të jetesës, apo në raste ekstreme, duke i kërcënuar me jetë. /CNA.al